भारत-बांगलादेश सीमा : यावर्षात 112 रोहिंग्यांसह 716 घुसखोरांना अटक! India Bangladesh border 716 infiltrators arrested this year including 112 Rohingyas

भारत-बांगलादेश सीमा : यावर्षात 112 रोहिंग्यांसह 716 घुसखोरांना अटक!

23.12 कोटी रुपयांचे ड्रग्जही केले जप्त; उपमहानिरीक्षक आर के सिंग यांनी दिली माहिती

विशेष प्रतिनिधी

त्रिपुरा : भारत-बांगलादेश सीमेजवळून या वर्षात एकूण 716 घुसखोरांना अटक करण्यात आली आहे. माहिती देताना सीमा सुरक्षा दलाच्या (बीएसएफ) अधिकाऱ्याने सांगितले की, घुसखोरांमध्ये 112 रोहिंग्या आणि 319 बांगलादेशींचा समावेश आहे. India Bangladesh border 716 infiltrators arrested this year including 112 Rohingyas

सीमा सुरक्षा दलाने शुक्रवारी 59 वा स्थापना दिवस साजरा केला. यावेळी बीएसएफ त्रिपुरा फ्रंटियर मुख्यालयाला संबोधित करताना उपमहानिरीक्षक आर के सिंग म्हणाले की, गेल्या वर्षी एकूण 369 लोकांना बेकायदेशीरपणे ईशान्येकडील राज्यांसह आंतरराष्ट्रीय सीमा ओलांडताना पकडण्यात आले, ज्यात 150 बांगलादेशी, 160 भारतीय आणि 59 रोहिंग्यांचा समावेश होता.

ते पुढे म्हणाले, ‘बीएसएफ बांगलादेशच्या आंतरराष्ट्रीय सीमेवर पहारा देत आहे, परिणामी त्यांनी 2023 मध्ये घुसखोरी करताना 319 बांगलादेशी, 112 रोहिंग्या आणि 285 भारतीयांना पकडले आहे. यासोबतच यावर्षी बीएसएफने सीमेजवळून 23.12 कोटी रुपयांचे अंमली पदार्थही जप्त केले आहेत.

आरके सिंग आणि बीएसएफ सीमा रक्षकांचे बांगलादेशशी चांगले संबंध आहेत. प्रदेशात शांतता राखण्यासाठी योग्य पातळीवर नियमित चर्चा केली जाते. भारताच्या ईशान्य राज्याची बांगलादेशशी ८५६ किमी लांबीची सीमा आहे.