भारताने UN मध्ये 'इस्लामफोबिया'च्या ठरावावर मतदानापासून राखले अंतर |India abstains from voting on Islamophobia resolution at UN

भारताने UN मध्ये ‘इस्लामफोबिया’च्या ठरावावर मतदानापासून राखले अंतर

पाकिस्तानला दाखवला आरसा; राजदूत रुचिरा कंबोज यांनी केले विधान

विशेष प्रतिनिधी

नवी दिल्ली: ‘इस्लामोफोबिया’ संदर्भात संयुक्त राष्ट्र महासभेत (यूएन रिझोल्यूशन ऑन इस्लामोफोबिया) पाकिस्तानने मांडलेल्या आणि चीनने सहप्रायोजित केलेल्या ठरावाच्या मसुद्यापासून भारताने स्वतःला दूर केले.India abstains from voting on Islamophobia resolution at UN

UNSC मध्ये भारताने सुनावले खडे बोल; 25 वर्षे झाली, सुधारणांसाठी अजून किती वाट पाहणार?

हिंदू, बौद्ध, शीख आणि हिंसाचार आणि भेदभावाचा सामना करणाऱ्या इतर धर्मांवरील ‘धार्मिक भीती’चा प्रसार केवळ एका धर्माऐवजी मान्य केला पाहिजे, असे भारताने म्हटले आहे. यावेळी पाकिस्तानच्या राजदूताने अयोध्येत असलेल्या राम मंदिराचा उल्लेख केल्यावर भारताने तीव्र आक्षेप व्यक्त केला.

शुक्रवारी १९३ सदस्यांच्या महासभेने पाकिस्तानने मांडलेल्या ‘इस्लामफोबियाशी लढण्यासाठी उपाययोजना’ या ठरावाला मंजुरी दिली. ११५ देशांनी ठरावाच्या बाजूने मतदान आणि भारत, ब्राझील, फ्रान्स, जर्मनी, इटली, युक्रेन आणि ब्रिटनसह ४४ देश मतदानापासून दूर राहिले.

संयुक्त राष्ट्रातील भारताच्या स्थायी प्रतिनिधी, राजदूत रुचिरा कंबोज यांनी सेमिटिझम, ‘क्रिस्टोफोबिया’ आणि इस्लामोफोबिया (इस्लामविरूद्ध पूर्वग्रह) यांनी प्रेरित सर्व कृत्यांचा निषेध केला. ते म्हणाले की हा अशा प्रकारचा ‘फोबिया’ (पूर्वग्रह) अब्राहमी धर्मांच्या पलीकडे आहे हे मान्य करणे महत्त्वाचे आहे.