आंध्र प्रदेश, अरुणाचल प्रदेश, सिक्कीम आणि ओडिशामध्ये १९ एप्रिलपासून विधानसभा निवडणुका

By, Pravin Wankhade - March 16, 2024 08:41:08

0

निवडणूक आयोगाने आज लोकसभेसोबत विधानसभा निवडणुकीचीही घोषणा केली.

विशेष प्रतिनिधी

नवी दिल्ली: मुख्य निवडणूक आयुक्त (CEC) राजीव कुमार यांनी आज पत्रकारांना सांगितले की 2024 च्या लोकसभा निवडणुका सात टप्प्यात होणार आहेत. यासोबतच चार राज्यांमध्ये विधानसभा निवडणुका होणार आहेत. 19 एप्रिलपासून विधानसभा निवडणुकीला सुरुवात होणार आहे. अरुणाचल प्रदेशमध्ये विधानसभेच्या ६० आणि लोकसभेच्या २ जागा आहेत. दोन्ही निवडणुकांसाठी एकाच वेळी १९ एप्रिलला मतदान होणार आहे. ६० सदस्यीय अरुणाचल प्रदेश विधानसभेत भाजपचे ५६ सदस्य आहेत. उर्वरित दोन आमदार काँग्रेसचे असून दोन अपक्ष आहेत.Assembly elections in Andhra Pradesh Arunachal Pradesh Sikkim and Odisha from April 19

देशात कोरोनाच्या तिसऱ्या लाटेचा धोका वाढला; कर्नाटकानंतर ओडिशामध्ये १३८ मुलांना संसर्ग

आंध्र प्रदेशात या दिवशी निवडणुका

आंध्र प्रदेशातील विधानसभेच्या १७५ जागांसाठी १३ मे रोजी मतदान होणार आहे. त्यांची मतमोजणी ४ जून रोजी होणार आहे. आंध्र प्रदेशमध्ये युवाजन श्रमिका रिथू काँग्रेस पार्टी (वायएसआरसीपी) आणि विरोधी तेलुगू देसम पार्टी (टीडीपी) यांच्यात निकराची लढत आहे. आंध्र प्रदेशात एकूण ४.०८ कोटी मतदार मतदानाचा हक्क बजावणार आहेत. ज्यामध्ये दोन कोटी पुरुष, २.०७ कोटी महिला आणि ३,४८२ तृतीयपंथी (ट्रान्सजेंडर) मतदारांचा समावेश आहे.

ओडिशामध्ये या दिवशी मतदान –

ओडिशात विधानसभेच्या निवडणुका दोन टप्प्यात होणार आहेत. ४२ जागांसाठी २५ मे रोजी तर ४२ जागांसाठी १ जून रोजी मतदान होणार आहे. ओडिशातील २०१९ च्या सार्वत्रिक निवडणुकीत बीजू जनता दलाने (BJD) लोकसभेच्या २१ पैकी १२ जागा जिंकल्या, तर भाजपने आठ आणि काँग्रेसने एक जागा जिंकली. त्याच वेळी, विधानसभा निवडणुकीत बीजेडीला ११३ जागा मिळाल्या, भाजपला २३ जागा, काँग्रेसला नऊ जागा, सीपीआय(एम)ला एक जागा मिळाली आणि एक अपक्ष उमेदवारही विजयी झाला.

१९ एप्रिल रोजी सिक्कीममध्ये –

३२ विधानसभेच्या जागा असलेल्या सिक्कीममध्येही १९ एप्रिल रोजी मतदान होणार आहे. सिक्कीम क्रांतीकारी मोर्चा (SKM) ने २०१९च्या निवडणुकीत १७ जागा जिंकल्या होत्या. सिक्कीम डेमोक्रॅटिक फ्रंटला (SDF) १५ जागा मिळाल्या होत्या. यावेळीही या पक्षांमध्येच स्पर्धा आहे