Independence Day 2023 : यंदा स्वातंत्र्य दिनाच्या महोत्सवात सहभागी होणार तब्बल १८०० विशेष पाहुणे! Independence Day 2023 As many as 1800 special guests will participate in the Independence Day festival this year

Independence Day 2023 : यंदा स्वातंत्र्य दिनाच्या महोत्सवात सहभागी होणार तब्बल १८०० विशेष पाहुणे!

75th Independence Day Know About Indias Independence Importance And Rare Facts

जाणून घ्या, लाल किल्ल्यावरील विशेष कार्यक्रमात कोणाला आमंत्रित करण्यात आले आहे?

विशेष प्रतिनिधी

नवी दिल्ली : १५ ऑगस्ट रोजी स्वातंत्र्य दिनानिमित्त दिल्लीतील लाल किल्ल्यावर आयोजित विशेष कार्यक्रमात देशभरातून १८०० विशेष पाहुण्यांना आमंत्रित करण्यात आले आहे. केंद्र सरकारच्या विविध योजनांच्या लाभार्थ्यांचाही यामध्ये समावेश आहे. पंतप्रधान नरेंद्र मोदी यांचे भाषण ऐकण्यासाठी आमंत्रित केलेल्या १८०० विशेष पाहुण्यांमध्ये जल जीवन मिशन, पीएम किसान सन्मान निधी योजना, अमृत सरोवर योजना आणि सेंट्रल व्हिस्टा प्रकल्प यासारख्या विविध प्रमुख कार्यक्रमांशी संबंधित लोकांचा समावेश असल्याचे एका अधिकृत प्रकाशनात म्हटले आहे. Independence Day 2023 As many as 1800 special guests will participate in the Independence Day festival this year

या सोहळ्याचा भाग होण्यासाठी समाजाच्या विविध क्षेत्रातील लोकांना आमंत्रित करण्याचा उपक्रम सरकारने आपल्या लोकसहभागाच्या दृष्टीकोनातून उचलला आहे, अशी माहितीही या प्रकाशनात देण्यात आली. विशेष पाहुण्यांना नवी दिल्लीतील राष्ट्रीय युद्ध स्मारक आणि पंतप्रधान संग्रहालयाला भेट देण्याची संधी मिळेल.

हिंदुस्तान टाईम्सच्या वृत्तानुसार, निमंत्रितांमध्ये गावचे सरपंच, शिक्षक, परिचारिका, शेतकरी ते मच्छीमार आणि सेंट्रल व्हिस्टा प्रकल्पाच्या बांधकामात योगदान देणारे मजूर यांचा समावेश आहे. याशिवाय खादी क्षेत्रातील कामगार, राष्ट्रीय पुरस्कार विजेते शिक्षक, बॉर्डर रोड ऑर्गनायझेशन (BRO) कर्मचारी आणि विविध राज्यांतील अमृत सरोवर आणि हर घर जल योजना प्रकल्पांमध्ये सहभागी असलेल्या लोकांनाही स्वातंत्र्य दिनाच्या कार्यक्रमासाठी आमंत्रित केले आहे. व्हायब्रंट व्हिलेज कार्यक्रमाच्या माध्यमातून सरकार सीमावर्ती भागातील गावांतील लोकांची जीवनशैली सुधारून त्यांना सक्षम बनविण्याचे काम करत आहे.

याशिवाय प्रधानमंत्री किसान सन्मान निधी योजनेचे 50 हून अधिक लाभार्थी लाल किल्ल्यावरील स्वातंत्र्य दिनाच्या कार्यक्रमाचा भाग असतील. त्यांच्यासोबत त्यांच्या कुटुंबीयांनाही आमंत्रित करण्यात आले आहे. या लोकांना कृषी मंत्रालयाने निमंत्रण पाठवले आहे. यातील दोन लाभार्थी महाराष्ट्रातील आहेत. लोक निमंत्रणाबद्दल खूप आनंदी आहेत.