Kedarnath Dham : केदारनाथ धाममध्ये हेलिकॉप्टर कोसळले; सहा जणांचा मृत्यू झाल्याची भीती!

By, Pravin Wankhade - June 15, 2025 10:00:47

0

मुख्यमंत्री पुष्कर सिंह धामी यांनी व्यक्त केला शोक

विशेष प्रतिनिधी

केदारनाथ – Kedarnath Dham उत्तराखंडमधील केदारनाथ धाममध्ये रविवारी सकाळी एक मोठा अपघात झाला. रविवारी सकाळी केदारनाथ मार्गावर एक हेलिकॉप्टर कोसळल्याचे सांगण्यात येत आहे. मिळालेल्या माहितीनुसार, या हेलिकॉप्टरमध्ये एकूण सहा जण होते. या अपघातात सर्वांचा मृत्यू झाल्याची भीती व्यक्त केली जात आहे. Kedarnath Dham

हे हेलिकॉप्टर आर्यन कंपनीचे असल्याचे सांगण्यात येत आहे. उत्तराखंडचे एडीजी लॉ अँड ऑर्डर डॉ. व्ही. मुरुगेशन यांच्या मते, गौरीकुंडमध्ये बेपत्ता झालेले हेलिकॉप्टर कोसळले आहे. क्रॅश झालेल्या हेलिकॉप्टरमध्ये सहा जण होते.

ठाकरे ब्रँड कुणी मोडू नाही शकत हे खरं, पण राज ठाकरे इतरांना त्या ब्रँडशी खेळू का देतायेत??

गौरीकुंड आणि त्रिजुगीनारायण नारायण यांच्या दरम्यान हा अपघात झाल्याचे सांगण्यात येत आहे. मिळालेल्या माहितीनुसार, खराब हवामानामुळे हेलिकॉप्टर कोसळल्याचे वृत्त आहे. उत्तराखंडचे एडीजी लॉ अँड ऑर्डर म्हणतात की हे हेलिकॉप्टर डेहराडूनहून केदारनाथला जात होते परंतु ते गौरीकुंडमध्ये अचानक बेपत्ता झाले.

उत्तराखंडचे मुख्यमंत्री पुष्कर सिंह धामी यांनी केदारनाथ धाममध्ये हेलिकॉप्टर कोसळल्याच्या घटनेवर दुःख व्यक्त केले आहे. त्यांनी सोशल मीडिया प्लॅटफॉर्म एक्सवर एक पोस्ट केली. ज्यामध्ये त्यांनी लिहिले आहे की, रुद्रप्रयाग जिल्ह्यात हेलिकॉप्टर अपघाताबद्दल खूप दुःखद बातमी मिळाली आहे. एसडीआरएफ, स्थानिक प्रशासन आणि इतर बचाव पथके मदत आणि बचाव कार्यात गुंतलेली आहेत. यासोबतच त्यांनी सर्व प्रवाशांच्या सुरक्षिततेसाठी बाबा केदार यांना प्रार्थना केली आहे.