"हिमाचलमध्ये लवकरच भाजपचे सरकार स्थापन होणार" ; हर्ष महाजनांचा दावा!|Harsh Mahajans claim that the BJP government will soon be formed in Himachal

“हिमाचलमध्ये लवकरच भाजपचे सरकार स्थापन होणार” ; हर्ष महाजनांचा दावा!

आणखी 10 आमदार संपर्कात असल्याचंही म्हणाले आहेत.

विशेष प्रतिनिधी

नवी दिल्ली : हिमाचल प्रदेशमध्ये झालेल्या राज्यसभा निवडणुकीत भारतीय जनता पक्षाने काँग्रेसचा पराभव केला. या निवडणुकीत भाजपचे उमेदवार हर्ष महाजन विजयी झाले. एनडीटीव्हीशी बोलताना ते म्हणाले की, राज्य सरकारच्या कृतीमुळे काँग्रेस पक्षाचे आमदार संतापले आहेत. त्याचा फायदा आम्हाला या निवडणुकीत मिळाला. तसेच वैयक्तिकरित्या माझे या आमदारांशी चांगले संबंध होते त्यामुळे त्यांनी मला मतदान केले. तुम्ही उभे राहाल तर या सरकारच्या विरोधात मतदान करू, असे आमदार म्हणाले होते.Harsh Mahajans claim that the BJP government will soon be formed in Himachal

हिमाचलमध्ये सरकार संकटात; भाजप आमदारांनी घेतली राज्यपालांची भेट; फ्लोअर टेस्टसह केल्या 3 मागण्या

हर्ष महाजन म्हणाले की, जेव्हापासून राम मंदिर बांधले गेले, तेव्हापासून काँग्रेस सर्वत्र माघार घेत आहे. राम मंदिराच्या उभारणीपासून वातावरण पूर्णपणे बदलले आहे. लोकांना मोदींशी जुडायचे आहे. मोदी हे कार्यरत पंतप्रधान आहेत.

हर्ष महाजन म्हणाले की, इतर आमदारांनाही आता धीर आला आहे. हे सरकार जाणार आहे, असा विचार इतर आमदारही करत आहेत. 10 आमदार माझ्या संपर्कात आहेत. त्या सर्व आमदारांना काँग्रेस सरकारपासून स्वातंत्र्य मिळवायचे आहे. हिमाचलमध्ये लवकरच भाजपचे सरकार येणार आहे, हे मला समजले आहे. हर्ष महाजन म्हणाले की, राज्यसभा निवडणुकीत क्रॉस व्होट केलेल्या 6 आमदारांव्यतिरिक्त माझ्या संपर्कात 10 आमदार आहेत.