पाकिस्तानींची हज यात्रा अडचणीत, सौदी एव्हिएशन अथॉरिटीने मागितली 5 कोटी डॉलरची थकबाकी, न दिल्यास उड्डाणे बंद

By, Pravin Pawar - June 30, 2023 01:45:53

0

वृत्तसंस्था

नवी दिल्ली : सौदी अरेबियाची एव्हिएशन एजन्सी जनरल अथॉरिटी ऑफ सिव्हिल एव्हिएशन (GACA) ने 4 कोटी 80 लाख डॉलरची थकबाकी भरण्यासाठी पाकिस्तान इंटरनॅशनल एअरलाइन (PIA) या पाकिस्तानची सरकारी एअरलाइन कंपनीला नोटीस दिली आहे.Hajj travel of Pakistanis in trouble, Saudi Aviation Authority demands $5 crore dues, flights will be stopped if not paid

दिवाळखोरीच्या उंबरठ्यावर उभ्या असलेल्या पाकिस्तानची अडचण अशी आहे की, जर त्यांनी ही रक्कम भरली नाही तर तेथील नागरिक हज यात्रेला जाऊ शकणार नाहीत. शाहबाज शरीफ सरकारसाठी 30 जून (शुक्रवार) ही अत्यंत महत्त्वाची तारीख असणार आहे.

आंतरराष्ट्रीय नाणेनिधी (IMF) कार्यक्रम 30 जून रोजी संपत आहे. शाहबाज यांनी आठवड्यातून चार वेळा आयएमएफ प्रमुखांची भेट घेतली आहे, परंतु अद्याप नवीन कार्यक्रमावर कोणताही करार झालेला नाही.

Pandora Paper Leaks : पँडोरा पेपर्समध्ये सुमारे 700 पाकिस्तानींची नावे, इम्रान खान यांचे मंत्रीही करचुकवेगिरीत सामील

‘प्रो पाकिस्तान’ या न्यूज वेबसाइटनुसार – या आठवड्याच्या सुरुवातीला सौदी सिव्हिल एव्हिएशन एजन्सीने पीआयएला नोटीस पाठवली होती. त्यात PIA ला 4 कोटी 80 लाख डॉलर थकबाकी भरायची आहे. तसे न झाल्यास पाकिस्तानातून येणारी सर्व व्यावसायिक उड्डाणे बंद केली जातील. यामध्ये हज यात्रेकरूंच्या विमानांचा समावेश आहे.

पाकिस्तानातील सुमारे 50,000 हज यात्रेकरू सौदी अरेबियातील मक्का आणि मदिना या पवित्र शहरांना भेट देणार आहेत. जर पाकिस्तान सरकारने हे पैसे सौदी अरेबियाला दिले नाहीत किंवा याबाबत कोणताही करार झाला नाही, तर या प्रवाशांच्या अडचणी वाढतील.संकेतस्थळानुसार, अर्थमंत्री इशाक दार यांनी या आठवड्याच्या सुरुवातीला आर्थिक समन्वय समितीच्या बैठकीत या सूचनेची माहिती दिली.

बुधवारी शरीफ मंत्रिमंडळाची बैठक झाली. यामध्ये पीआयएची पुनर्रचना करण्याची योजना तयार करण्यात आली होती. यासाठी विशेष समितीही स्थापन करण्यात आली आहे. समितीचे अध्यक्ष अर्थमंत्री दार आहेत. मात्र, पाकिस्तानातून हज यात्रेकरू सौदी अरेबियाला जात आहेत. त्यामुळे सौदी आणि पाकिस्तान यांच्यात करार झाला आहे किंवा देय रक्कम देण्यात आली आहे, हे स्पष्ट झाले आहे.

मलेशियामध्ये दोनदा विमान जप्त

गेल्या महिन्यात म्हणजेच मे महिन्यात मलेशिया सरकारने PIA चे बोईंग 777 विमान जप्त केले होते. हे विमान जप्त करण्याचे आदेश क्वालालंपूरच्या लाचलुचपत प्रतिबंधक न्यायालयाने दिले होते.

पीआयएचे हे जेट जप्त करण्यात आले कारण ज्या कंपनीकडून ते भाडेतत्त्वावर घेण्यात आले होते, त्यांना 16 महिन्यांपासून पैसे दिले गेले नाहीत. 2020 मध्येदेखील येथे अशाच पद्धतीने PIA जेट जप्त करण्यात आले होते.

याप्रकरणी पीआयएचे प्रवक्ते अब्दुल्ला हफीज खान यांनी मलेशियामध्ये नागरी विमान जप्त केल्याची कबुली दिली होती. ते म्हणाले होते- आम्ही अनेक दिवसांपासून लीज कंपनीशी बोलणी करण्याचा प्रयत्न करत होतो. त्याच्याशी संपर्क होऊ शकला नाही. ज्या कंपनीने हे विमान पीआयएला भाड्याने दिले होते, त्यांनी या प्रकरणी काहीही बोलण्यास नकार दिला. त्यांच्या एका अधिकाऱ्याने सांगितले- पीआयएने एका वर्षाहून अधिक काळ पैसे न देण्याची ही पहिलीच वेळ नाही. आमच्याकडे दुसरा मार्ग नव्हता.

2020 मध्येही मलेशियामध्येच पाकिस्तानचे बोईंग 777 जप्त करण्यात आले होते. त्यात प्रवाशांचीही उपस्थिती होती. पीआयएने भाडेतत्त्वावर घेतलेल्या बोईंग-777 विमानाचे भाडे दिलेले नाही.