राजस्थानमध्ये सरकार 100 युनिट वीज मोफत देणार, निवडणुकीच्या वर्षात मुख्यमंत्री गेहलोत यांची मोठी घोषणा|Govt to provide 100 units of free electricity in Rajasthan, Chief Minister Gehlot's big announcement in election year

राजस्थानमध्ये सरकार 100 युनिट वीज मोफत देणार, निवडणुकीच्या वर्षात मुख्यमंत्री गेहलोत यांची मोठी घोषणा

प्रतिनिधी

जोधपूर : आगामी विधानसभा निवडणुकीपूर्वी राजस्थानचे मुख्यमंत्री अशोक गेहलोत यांनी मतदारांना आकर्षित करण्यासाठी मोठा निर्णय घेतला आहे. राज्यात महिन्याला 100 युनिटपर्यंत वीज वापरणाऱ्यांचे वीज बिल शून्य असेल, अशी माहिती त्यांनी ट्विट करून दिली. त्यांना कोणतेही बिल आगाऊ भरावे लागणार नाही.Govt to provide 100 units of free electricity in Rajasthan, Chief Minister Gehlot’s big announcement in election year

मुख्यमंत्री गेहलोत यांनी ट्विट केले की, महागाई निवारण शिबिरांचे निरीक्षण केल्यानंतर आणि लोकांशी बोलल्यानंतर, वीज बिलांमध्ये स्लॅब-निहाय सूटमध्ये थोडा बदल व्हावा असा अभिप्राय आला. म्हणजेच जनतेच्या अभिप्रायानंतर वीज बिल माफ करण्याची घोषणा करण्यात आली.

आंतरराष्ट्रीय महिला दिनानिमित्त बंगळुरू, राजस्थानमध्ये महिलांना मोफत बस प्रवास

महंगाई राहत शिविरों के अवलोकन व जनता से बात करने पर फीडबैक आया कि बिजली बिलों में मिलने वाली स्लैबवार छूट में थोड़ा बदलाव किया जाए.

– मई महीने में बिजली बिलों में आए फ्यूल सरचार्ज को लेकर भी जनता से फीडबैक मिला जिसके आधार पर बड़ा फैसला किया है.
–
– 100 यूनिट प्रतिमाह तक बिजली… pic.twitter.com/z27tJRuyaf

— Ashok Gehlot (@ashokgehlot51) May 31, 2023

100 युनिटपर्यंत वीज मोफत

गेहलोत यांच्या ट्विटनुसार, मे महिन्यातील वीज बिलांमध्ये इंधन अधिभाराबाबतही जनतेकडून अभिप्राय प्राप्त झाला होता, ज्याच्या आधारे हा मोठा निर्णय घेण्यात आला आहे. ट्विटमध्ये पुढे म्हटले आहे की, जे दरमहा 100 युनिटपर्यंत वीज वापरतात त्यांचे बिल शून्य असेल. याशिवाय आगाऊ बिलही भरावे लागणार नाही.

पहिल्या 100 युनिटपर्यंत बिल भरावे लागणार नाही, नंतर…

याशिवाय राजस्थानच्या मोफत वीज योजनेत असाही नियम आहे की, जे कुटुंब दरमहा 100 युनिटपेक्षा जास्त वीज वापरतात, त्यांनाही पहिले 100 युनिट वीज मोफत दिली जाईल, म्हणजेच कितीही बिल आले तरी पहिल्या 100 युनिट्ससाठी पैसे द्यावे लागणार नाही.

राज्य सरकार उचलणार खर्च

सीएम गेहलोत यांनी सांगितले की, मध्यमवर्गीय लोकांचा विचार करून त्यांनी महिन्याला 200 युनिटपर्यंत वीज वापरणाऱ्या ग्राहकांसाठीही एक योजना तयार केली आहे. त्यानुसार पहिले 100 युनिट वीज मोफत मिळणार आहे. यासह, निश्चित शुल्क, इंधन अधिभार आणि 200 युनिटपर्यंतची इतर सर्व बिले माफ केली जातील आणि ती राज्य सरकार भरेल.

निवडणुकीपूर्वी मोठी घोषणा

या वर्षाच्या अखेरीस राज्यात विधानसभा निवडणुका होणार आहेत. अशा परिस्थितीत मोफत वीज देण्याची ही घोषणा म्हणजे गेहलोत सरकारची मोठी खेळी मानली जात आहे.