गौतम अदाणी पुन्हा बनले आशियातील सर्वात श्रीमंत उद्योगपती!

By, Pravin Wankhade - June 2, 2024 07:48:27

0

मुकेश अंबानींना टाकले पिछाडीवर, जाणून घ्या एकूण संपत्ती किती? Gautam Adani again became Asias richest businessman

विशेष प्रतिनिधी

नवी दिल्ली : भारतामधील दिग्गज उद्योगपती गौतम अदाणी यांनी मुकेश अंबानी यांना पिछाडीवर टाकत आशियातील सर्वात श्रीमंत उद्योगपती बनण्याचा मान पटकवला आहे. गौतम अदाणी यांना त्यांच्या कंपन्यांच्या शेअर्सच्या किमती वाढल्याचा फायदा झाला आहे.

मीडिया रिपोर्ट्सनुसार, गौतम अदाणी यांची एकूण संपत्ती 111 बिलियन डॉलरवर पोहोचली आहे, ज्यामुळे ते आशियातील सर्वात श्रीमंत व्यक्ती बनले आहेत. मुकेश अंबानी हे 109 अब्ज डॉलर्सच्या संपत्तीसह आशियातील दुसरे सर्वात श्रीमंत व्यक्ती आहेत.

गौतम अदाणी हे जगातील 11 व्या क्रमांकाचे श्रीमंत उद्योगपती आहेत. मीडिया रिपोर्ट्सनुसार, बर्नार्ड अर्नॉल्ट हे जगातील सर्वात श्रीमंत व्यक्ती आहेत, ज्यांची एकूण संपत्ती 207 अब्ज डॉलर आहे. अर्नॉल्टनंतर इलॉन मस्कचे नाव येते, ज्यांची एकूण संपत्ती 199 अब्ज डॉलर आहे.

अदाणी समुहासाठी गतवर्ष अत्यंत आव्हानात्मक होते आणि हिंडेनबर्गच्या अहवालातील खुलाशानंतर सर्वोच्च न्यायालयानेही आरोपांच्या चौकशीचे आदेश दिले होते. याचा परिणाम असा झाला की अदाणी समूहाच्या कंपन्यांच्या शेअर्समध्ये मोठी घसरण झाली. मात्र, आता हा गट त्या धक्क्यातून सावरला आहे. गेल्या आठवड्यातच, गौतम अदाणी यांनी भविष्यात समूहाच्या विस्तारासाठी आशावादी योजना सामायिक केल्या होत्या.