French Open 2022 : राफेल नदाल पुन्हा एकदा टेनिसचा बादशहा, 14व्यांदा जिंकले फ्रेंच ओपनचे विजेतेपद|French Open 2022 Rafael Nadal reigns supreme, wins French Open 14 times

French Open 2022 : राफेल नदाल पुन्हा एकदा टेनिसचा बादशहा, 14व्यांदा जिंकले फ्रेंच ओपनचे विजेतेपद

प्रतिनिधी

स्टार खेळाडू राफेल नदाल विक्रमी 14व्यांदा फ्रेंच ओपन चॅम्पियन बनला आहे. अंतिम फेरीत त्याचा सामना नॉर्वेच्या कॅस्पर रुडशी झाला. या सामन्यात राफेल नदालने पुन्हा एकदा सिद्ध केले की त्याला क्ले कोर्टाचा राजा का म्हटले जाते. त्याने अंतिम सामन्यात कॅस्पर रुडचा सरळ सेटमध्ये पराभव करून विजेतेपद पटकावले.French Open 2022 Rafael Nadal reigns supreme, wins French Open 14 times

French Open 2021 Semi Final : जोकोव्हिच अंतिम फेरीत दाखल ; नदालचे फ्रेंच साम्राज्य संपुष्टात

King of Clay x 14 👑@RafaelNadal remains undefeated in Paris finals, conquering Casper Ruud 6-3, 6-3, 6-0 for a 14th title#RolandGarros pic.twitter.com/GctcC17Ah8

— Roland-Garros (@rolandgarros) June 5, 2022

सरळ सेटमध्ये पराभव

नदालने अंतिम फेरीत रुडचा ६-३, ६-३, ६-० असा पराभव करून फ्रेंच ओपनचे विजेतेपद पटकावले. क्ले कोर्टवर नदालने आपले वर्चस्व सिद्ध करण्याचा हा विक्रम १४व्यांदा आहे. या सामन्यात रुडेला नदालशी टक्कर देता आली नाही. एकतर्फी झालेल्या सामन्यात पराभवाला सामोरे जावे लागले.

नदालने रचला इतिहास

फ्रेंच ओपन 2022चे विजेतेपद जिंकून राफेल नदालने कारकीर्दीतील 22वे ग्रँड स्लॅम जेतेपद पटकावले आहे. यासह त्याने जगातील नंबर वन नोव्हाक जोकोविच आणि स्वित्झर्लंडचा रॉजर फेडरर यांच्याकडील 21 ग्रँडस्लॅमचा विक्रमही मागे टाकला आहे.

त्याच वेळी कॅरोलिन गार्सिया आणि क्रिस्टीना म्लाडेनोविक या पूर्वीच्या फ्रेंच जोडीने कोको गॉफ आणि जेसिका पेगुला या अमेरिकन जोडीचा पराभव करून फ्रेंच ओपन टेनिस ग्रँड स्लॅम महिला दुहेरीचे विजेतेपद पटकावले. रोलँड गॅरोस येथे कॅरोलिन आणि क्रिस्टिना यांची ही दुसरी महिला दुहेरी स्पर्धा आहे. यापूर्वी 2016 मध्येही दोघींनी येथे विजेतेपद पटकावले होते.