फारुख अब्दुल्ला म्हणाले- केवळ हिंदूंचेच नाही, प्रभू राम सर्वांचे आहेत, सत्तेसाठी भाजपकडून वापर|Farooq Abdullah said - not only for Hindus, Lord Ram belongs to everyone, use by BJP for power

अल्लाहनेच प्रभू श्रीरामाला पृथ्वीवर पाठविले… फारूख अब्दुल्ला पुन्हा बरळले!

वृत्तसंस्था

श्रीनगर : जम्मू-काश्मीरचे माजी मुख्यमंत्री फारुख अब्दुल्ला यांनी गुरुवारी म्हटले की, भाजपने सत्तेत राहण्यासाठी रामाच्या नावाचा वापर केला. प्रभू राम केवळ हिंदूंचेच नाही, तर सर्वांचे आहेत. मग ते हिंदू असो वा मुस्लिम, शीख किंवा इतर कोणताही समाज.Farooq Abdullah said – not only for Hindus, Lord Ram belongs to everyone, use by BJP for power

ते म्हणाले की, जर तुमच्या मनात राम फक्त हिंदूंचा आहे, हा समज असेल तर तो काढून टाका. त्याचप्रमाणे, अल्लाह फक्त मुस्लिमांसाठी नाही, तर सर्वांसाठी आहे. जे तुमच्याकडे येतात आणि सांगतात की मी प्रभू श्रीरामांना मानतो, ते खरे तर प्रभू रामाचे नाव विकत आहेत.

फारुख अब्दुल्लांचा काँग्रेसला सल्ला, म्हणाले- गटतट दूर झाले नाही, तर राजस्थान हातातून जाईल

काश्मीरमधील निवडणुकीदरम्यान राम मंदिराचे उद्घाटन करणार

वृत्तसंस्था पीटीआयने दिलेल्या माहितीनुसार, फारुख अब्दुल्ला गुरुवारी पँथर्स पार्टीच्या स्थापना दिनानिमित्त उधमपूरला पोहोचले. यावेळी लोकांना संबोधित करताना माजी मुख्यमंत्री म्हणाले की, मला वाटते की जम्मू-काश्मीरमध्ये निवडणुका जाहीर होतील तेव्हा ते सामान्यांचे लक्ष वळवण्यासाठी राम मंदिराचे उद्घाटन करतील, परंतु यामुळे आमच्या ऐक्याला बाधा येणार नाही. काँग्रेस असो, एनसी असो किंवा पँथर्स असो, आम्ही लोकांसाठी लढत राहू.

"Lord Rama was sent by Allah": Farooq Abdullah pic.twitter.com/dAXwmJLLDM

— The Times Of India (@timesofindia) March 24, 2023

ईव्हीएम वापरताना काळजी घ्या

त्यांनी जनतेला भाजपपासून सावध राहण्याचे आवाहन केले. फारुख म्हणाले की, ते निवडणुकीच्या वेळी ‘हिंदू धोक्यात आहे’चा वापर करतील, पण मी तुम्हाला त्याला बळी पडू नका अशी विनंती करतो. त्यांनी इलेक्ट्रॉनिक व्होटिंग मशीन (ईव्हीएम) बद्दल प्रश्न उपस्थित केले आणि लोकांना त्याच्या वापराबद्दल सावध राहण्यास सांगितले.