5G in २०२२ : यावर्षी १३ शहरं होणार 5G ; 5G नेटवर्कला 4G पेक्षा १० पट जास्त स्पीड ; पण त्यासाठी द्यावे लागणार इतकी रक्कम…

By, Sachin Deshmukh - January 7, 2022 08:00:14

0

2022 मध्ये भारत मोबाईल नेटवर्कच्या नवीन युगात पाऊल टाकणार आहे.

विशेष प्रतिनिधी

नवी दिल्ली : केंद्र सरकारने म्हटले आहे की मार्च-एप्रिल 2022 पर्यंत 5G इंटरनेट स्पेक्ट्रमसाठी बोली लावली जाईल. 5G सुरू करणाऱ्या दूरसंचार कंपन्यांनी ट्रायल आणि चाचण्या पूर्ण केल्या आहेत. भारतीय दूरसंचार नियामक प्राधिकरण (TRAI) 5G इंटरनेट सुरू करण्याबाबत अंतिम निर्णय घेणार आहे.Expect in 2022: 5G roll out in India expected by year-end, prices could be similar to 4G

भारती एअरटेलने देखील एरिक्सनच्या सहकार्याने हैदराबादमध्ये व्यावसायिक 5G इंटरनेट सेवेची यशस्वी पूर्व-चाचणी केली आहे. 2019 मध्येच, जिओने 5G नेटवर्क सेवा विस्तारासाठी देशभरात इंटरनेट नेटवर्क विस्ताराचे काम सुरू केले.

टाटा देणार मुकेश अंबानींना टक्कर, एअरटेलबरोबर 5G क्रांती करणार; टेलिकॉम क्षेत्रात स्पर्धा वाढणार

13 शहरं …..

अहमदाबाद
बेंगळुरू
कोलकाता
चंदीगड
चेन्नई
दिल्ली
गांधीनगर
गुरुग्राम
हैदराबाद
जामनगर
लखनौ
मुंबई
पुणे

हा प्रयोग 13 मेट्रो शहरांपासून सुरू होणार असून तेथे 5G नेटवर्क सुरू करण्याची तयारी पूर्ण झाली आहे. तज्ज्ञांच्या मते 5G चा इंटरनेट स्पीड 4G पेक्षा 10 पट जास्त असेल. म्हणजेच व्हॉट्सअॅप कॉलिंग असो किंवा एचडी मूव्ही डाऊनलोड, सर्वकाही अगदी सहज होईल.

पण प्रत्येकाच्या मनात प्रश्न –

या सुपरफास्ट सेवेसाठी किती पैसे मोजावे लागतील?
5G सेवा 4G पेक्षा महाग किंवा स्वस्त असेल?
4G योजनांचे दर वाढवून 5G स्पेक्ट्रमची किंमत वसूल होईल का?
भारतात 5G डेटा पॅकची किंमत किती असेल?
तीन टेलिकॉम कंपन्या भारतात 5G आणत आहेत – Jio, Airtel आणि Vi.
आतापर्यंत कोणत्याही कंपनीने आपल्या 5G डेटा प्लॅनच्या किमतींबाबत कोणताही खुलासा केलेला नाही.
त्यामुळे 5G चे दर नेमके किती असतील हे सांगणे कठीण आहे.
जगातील ज्या देशांमध्ये 5G सेवा सुरू झाली आहे, त्या देशांमधून एक ट्रेंड नक्कीच समजू शकतो.
दक्षिण कोरियाने डिसेंबर 2018 मध्ये जगात पहिल्यांदा 5G सेवा सुरू केली.
यानंतर स्वित्झर्लंड, यूके आणि यूएसने देखील मे 2019 मध्ये 5G लाँच केले.
आतापर्यंत 5G -61 हून अधिक देशांमध्ये सुरू झाले आहे.

जगातील काही निवडक टेलिकॉम कंपन्यांच्या 4G आणि 5G टॅरिफ प्लॅनची तुलना केली तर 1 महिन्याच्या अमर्यादित योजनांसाठी जगातील मोठ्या टेलिकॉम कंपन्यांच्या अमर्यादित 5G सेवा 4G पेक्षा महाग आहेत. कंपन्यांनी स्वतःहून 10% ते 40% वाढ केली आहे. भारतात 5G सेवा सुरू झाली तर हाच ट्रेंड असेल-म्हणजेच, भारतातही 5G योजना 4G पेक्षा 10-40% जास्त महाग असू शकतात.

5G मध्ये 1 GB डेटाची किंमत स्वस्त

2G चा काळ लक्षात ठेवा जेव्हा संपूर्ण महिना 1 GB डेटामध्ये जात असे. 3G आल्यानंतर डेटाचा वापर वाढला आणि 4G आल्यानंतर दररोज 1 ते 2 GB डेटा खर्च होऊ लागला. साहजिकच, 5G आल्यानंतर डेटाचा वापर अनेक पटींनी वाढेल. इंडिया मोबाईल ब्रॉडबँड इंडेक्स 2021 नुसार, 2020 मध्ये भारतातील डेटा वापरामध्ये 36% वाढ झाली आहे आणि ती कायम राहण्याची शक्यता आहे.

अशा परिस्थितीत, 5G चा अमर्यादित प्लॅन महाग असू शकतो, परंतु 1GB 5G डेटाची सरासरी किंमत 4G पेक्षा कमी असू शकते अशी अपेक्षा आहे.

भारतातील दूरसंचार कंपन्यांनी अलीकडेच त्यांच्या दरात २०-२५% वाढ केली आहे. लवकरच त्यात आणखी वाढ होऊ शकते, असे तज्ज्ञांचे मत आहे. 5G च्या महागड्या स्पेक्ट्रमच्या खरेदीसाठी पैशांची गरज आणि कंपन्यांचे वाढलेले कर्ज हे त्याचे कारण आहे.

क्रिसिल रिसर्चच्या संचालक ईशा चौधरी यांच्या मते, अमेरिका, चीन आणि दक्षिण कोरिया सारख्या देशांमध्ये 1 GB डेटाची किंमत $8-10 च्या दरम्यान आहे, तर भारतात ती $1 पेक्षा कमी आहे. अशा स्थितीत कंपन्यांना दर महाग करण्यास वाव आहे. तथापि, हे या वर्षाच्या अखेरीस होऊ शकते. सर्व कंपन्यांचा एआरपीयू वाढवण्यावर भर आहे.