बर्नार्ड अरनॉल्ट यांना मागे टाकून एलन मस्क पुन्हा एकदा जगातील सर्वात श्रीमंत उद्योजक, पाहा टॉप 10 श्रीमंतांची यादी

By, Pravin Wankhade - June 1, 2023 09:30:13

0

प्रतिनिधी

नवी दिल्ली : जगातील टॉप अब्जाधीशांच्या यादीत मोठे फेरबदल करण्यात आले आहेत. टेस्ला, स्पेसएक्स आणि ट्विटरसारख्या कंपन्यांचे मालक एलन मस्क पुन्हा जगातील सर्वात श्रीमंत व्यक्ती बनले आहेत. संपत्तीच्या शर्यतीत त्यांनी बर्नार्ड अरनॉल्ट यांना मागे टाकले आहे, ते आतापर्यंत नंबर-1 स्थानावर होते. मस्क लवकरच पुन्हा एकदा चकित करू शकतात, असा कयास बांधला जात होता. गेल्या 24 तासांत एलन मस्क यांच्या नेट वर्थमध्ये $1.98 बिलियनची वाढ झाली आहे, तर फ्रेंच उद्योगपती अरनॉल्ट यांना $5.35 बिलियनचे मोठे नुकसान झाले आहे.Elon Musk once again overtakes Bernard Arnault to become the richest entrepreneur in the world, see the list of top 10 richest people

मस्क यांची एकूण संपत्ती

ब्लूमबर्ग बिलियनेअर्स इंडेक्सनुसार, एलन मस्क यांच्या एकूण संपत्तीत $1.98 अब्जच्या वाढीनंतर ती $192 बिलियन झाली आहे. मालमत्तेतील या तेजीमुळे ते अब्जाधीशांच्या यादीत दुसऱ्या क्रमांकावरून पहिल्या क्रमांकावर पोहोचले असून पुन्हा एकदा जगातील सर्वात श्रीमंत व्यक्तीचा मुकुट त्यांनी पटकावला आहे. दुसरीकडे, बर्नार्ड अरनॉल्टबद्दल बोलायचे तर $ 5.25 अब्जच्या घसरणीनंतर, त्यांची नेट वर्थ $187 बिलियनवर आली आहे. एवढ्या संपत्तीसह ते आता जगातील दुसऱ्या क्रमांकाचे श्रीमंत व्यक्ती ठरले आहेत.

अमेझॉनच्या जेफ बेझोस यांना मागे टाकून जगातील सर्वात श्रीमंत व्यक्ती बनले बर्नार्ड अरनॉल्ट, जाणून घ्या या फ्रेंच उद्योगपतीबद्दल

अरनॉल्ट यांच्या संपत्तीत घट

गेल्या काही दिवसांत बर्नार्ड अरनॉल्ट यांच्या संपत्तीत मोठी घसरण झाली आहे. ब्लूमबर्गच्या 24 मे 2023 च्या आकडेवारीनुसार, त्यांना 24 तासांच्या आत $11.2 बिलियन म्हणजेच सुमारे 92,000 कोटी रुपयांचे नुकसान सहन करावे लागले. त्यामुळे त्यांची एकूण संपत्ती २०० अब्ज डॉलरच्या खाली गेली होती. आता पुन्हा एकदा त्यांच्या एका दिवसात 5.25 अब्ज डॉलर्सच्या संपत्तीला मोठा फटका बसला आहे आणि त्यामुळे नंबर-1 श्रीमंताचा मुकुटही त्यांच्याकडून हिसकावण्यात आला आहे.

टॉप-10 श्रीमंत

एलन मस्क आणि बर्नार्ड अरनॉल्ट यांच्याबरोबरच जगातील टॉप-10 अब्जाधीशांच्या यादीवर नजर टाकली तर, अॅमेझॉनचे जेफ बेझोस तिसऱ्या स्थानावर कायम आहेत. 144 अब्ज डॉलर्सच्या संपत्तीसह त्यांनी या खुर्चीवर कब्जा केला आहे. जगातील चौथ्या क्रमांकावर मायक्रोसॉफ्टचे बिल गेट्स असून त्यांची संपत्ती 125 अब्ज डॉलर आहे, तर लॅरी एलिसन यांचे नाव 118 अब्ज डॉलर्सच्या संपत्तीसह पाचव्या क्रमांकावर आहे.

श्रीमंतांच्या यादीत, स्टीव्ह बाल्मर $ 114 अब्ज संपत्तीसह सहाव्या क्रमांकावर आहे, तर दिग्गज गुंतवणूकदार वॉरेन बफे $ 112 अब्ज संपत्तीसह जगातील श्रीमंतांमध्ये सातव्या क्रमांकावर आहेत. याशिवाय लॅरी पेज $111 अब्ज डॉलर्ससह आठव्या, सर्गे ब्रिन $106 बिलियनसह नवव्या आणि मार्क झुकरबर्ग $96.5 बिलियन संपत्तीसह 10व्या स्थानावर आहे.

श्रीमंतांच्या यादीत अदानी-अंबानी कुठे आहेत?

आता श्रीमंतांच्या यादीत समाविष्ट भारतीय उद्योगपतींबद्दल सांगायचे तर या यादीत गौतम अदानी आणि मुकेश अंबानी यांचा टॉप-20 मध्ये समावेश आहे. रिलायन्स इंडस्ट्रीजचे चेअरमन आणि आशियातील सर्वात श्रीमंत व्यक्ती मुकेश अंबानी हे 84.7 अब्ज डॉलर्सच्या संपत्तीसह जगातील 13व्या क्रमांकाचे श्रीमंत व्यक्ती ठरले आहेत. आणि अदानी समूहाचे अध्यक्ष गौतम अदानी 61.3 अब्ज डॉलर्सच्या एकूण संपत्तीसह 19व्या स्थानावर आले आहेत.