दिल्ली मद्य धोरणप्रकरणी तेलंगाणाचे मुख्यमंत्री KCR यांच्या कन्या कवितांना EDचे समन्स, शुक्रवारी होणार चौकशी


वृत्तसंस्था

नवी दिल्ली : दिल्ली मद्य धोरणप्रकरणी अंमलबजावणी संचालनालयाने बीआरएस नेत्या कविता यांना शुक्रवारी (15 सप्टेंबर) समन्स बजावले आहे. अधिकाऱ्यांनी गुरुवारी (14 सप्टेंबर) ही माहिती दिली. तेलंगणा विधान परिषदेच्या सदस्य के कविता यांचीही केंद्रीय अन्वेषण विभागाने (सीबीआय) गेल्या वर्षी डिसेंबरमध्ये याच प्रकरणात चौकशी केली होती.ED summons Telangana Chief Minister KCR’s daughter Kavita in Delhi liquor policy case, inquiry to be held on Friday

ईडीने आरोप केला आहे की कविता ‘आप’चे कम्युनिकेशन प्रभारी विजय नायर यांच्या संपर्कात होत्या, ज्यांनी धोरण तयार करताना आणि अंमलबजावणीच्या वेळी दारू व्यावसायिक आणि राजकारण्यांची भेट घेतली होती. विजय नायर यांनी साऊथ ग्रुप नावाच्या ग्रुपकडून किमान 100 कोटी रुपयांची लाच घेतल्याचे ईडीने म्हटले आहे. विजय नायर यांना गेल्या वर्षी सीबीआयने अटक केली होती.



कविता यांची यापूर्वीही ईडीने चौकशी केली होती

ईडीने यापूर्वी मार्च महिन्यात तेलंगाणाचे मुख्यमंत्री केसीआर यांच्या कन्या कविता यांची चौकशी केली होती. एएनआय या वृत्तसंस्थेच्या सूत्रांनी दिलेल्या माहितीनुसार, या कथित घोटाळ्यात रोखीच्या व्यवहारात सहभागी असलेल्या डझनहून अधिक लोकांनाही समन्स बजावण्यात आले आहे.

पाच आरोपपत्र दाखल

या प्रकरणी ईडीने आतापर्यंत पाच आरोपपत्रे दाखल केली आहेत. ईडीने गेल्या वर्षी या प्रकरणी पहिले आरोपपत्र दाखल केले होते. दिल्लीच्या नायब राज्यपालांच्या शिफारशीनुसार सीबीआयने नोंदवलेल्या प्रकरणाची दखल घेतल्यानंतर आणि एफआयआर नोंदवल्यानंतर या प्रकरणात आतापर्यंत सुमारे 200 शोधमोहीम राबविल्या गेल्याचे एजन्सीने म्हटले आहे.

या प्रकरणात, गेल्या वर्षी ऑक्टोबरमध्ये दिल्लीतील जोरबाग येथील मद्य वितरक इंडोस्पिरिट ग्रुपचे व्यवस्थापकीय संचालक समीर महेंद्रू याला अटक केल्यानंतर, ईडीने दिल्ली आणि पंजाबमध्ये सुमारे तीन डझन ठिकाणी छापे टाकले होते.

ED summons Telangana Chief Minister KCR’s daughter Kavita in Delhi liquor policy case, inquiry to be held on Friday

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात