दिल्ली मद्य धोरण प्रकरणी ED ने मुख्यमंत्री अरविंद केजरीवालांना पाठवले नववे समन्स

21 मार्चला बोलावले आहे, यावेळेस तरी केजरीवाल हजर होणार का?

विशेष प्रतिनिधी

नवी दिल्ली : अंमलबजावणी संचालनालयाने (ईडी) दिल्लीचे मुख्यमंत्री आणि आम आदमी पार्टीचे संयोजक अरविंद केजरीवाल यांना दिल्ली मद्य धोरण प्रकरणाशी संबंधित मनी लॉन्ड्रिंग प्रकरणात नववे समन्स जारी केले आहे. ईडीने आता मुख्यमंत्री केजरीवाल यांना 21 मार्चला मुख्यालयात हजर राहण्यास सांगितले आहे.ED sends ninth summons to Chief Minister Arvind Kejriwal in Delhi liquor policy case

केजरीवाल ईडी समन्सप्रकरणी हायकोर्टाचा निर्णय राखीव; एजन्सीच्या 8 समन्सवर हजर झाले नाहीत दिल्लीचे मुख्यमंत्री

याआधीही ईडीने केजरीवाल यांना आठ समन्स बजावले आहेत. मात्र, अरविंद केजरीवाल अद्याप ईडीसमोर हजर झालेले नाहीत. आता दिल्लीचे मुख्यमंत्री अरविंद केजरीवाल यावेळीही ईडीसमोर हजर होतात की नाही हे पाहणे उत्सुकतेचे ठरणार आहे.

अंमलबजावणी संचालनालयाने (ED) दिल्ली उत्पादन शुल्क धोरण 2021-22 मधील अनियमिततेशी संबंधित मनी लाँड्रिंग चौकशीत दिल्लीचे मुख्यमंत्री आणि आम आदमी पक्षाचे निमंत्रक अरविंद केजरीवाल यांना नववे समन्स जारी केले आहे. त्यांना 21 मार्च रोजी हजर राहण्यास सांगण्यात आले आहे. तपास यंत्रणेने केजरीवाल यांना यापूर्वी 8 वेळा समन्स पाठवले आहेत, परंतु ईडीच्या प्रश्नांची उत्तरे देण्यासाठी ते एकदाही हजर झाले नाहीत.

याच क्रमाने ईडीने त्यांना पुन्हा एकदा समन्स बजावले आहे. मात्र, सीएम केजरीवाल ईडीच्या मुख्यालयात हजर राहतात की नाही हे पाहणे बाकी आहे. दिल्लीचे माजी उपमुख्यमंत्री मनीष सिसोदिया आणि राज्यसभा सदस्य संजय सिंह या प्रकरणी तुरुंगात आहेत.