Delhi : दिल्लीच्या नवा मुख्यमंत्र्यांचा शपथविधीचा मुहूर्त बदलला, जाणून घ्या आती कधी?

By, Pravin Wankhade - February 19, 2025 05:30:34

0

पाहुण्यांची संपूर्ण यादी जाहीर, पाहा संपूर्ण वेळापत्रक

विशेष प्रतिनिधी

नवी दिल्ली: Delhi दिल्लीच्या मुख्यमंत्र्यांचा शपथविधी समारंभ गुरुवार २० फेब्रवारी रोजी होणार आहे. पंतप्रधान मोदींसह अनेक मुख्यमंत्री आणि केंद्रीय मंत्री या शपथविधी सोहळ्याला उपस्थित राहणार आहेत. पाहुण्यांच्या यादीनुसार, सर्व पाहुणे ११-१२ वाजेच्या दरम्यान शपथविधी सोहळ्याला पोहोचतील. नामनिर्देशित मुख्यमंत्री आणि मंत्रिपदाची शपथ घेणारे आमदार दुपारी १२.१० वाजता शपथविधीसाठी पोहोचतील. उपराज्यपाल सव्वा १२ वाजता येतील. तर केंद्रीय मंत्री, इतर राज्यांचे मुख्यमंत्री आणि उपमुख्यमंत्री १२ वाजून २० मिनिटांनी पोहोचतील.Delhi

Love Jihad : ‘लव्ह जिहाद’ कायद्याबाबत महाराष्ट्र सरकारच्या पावलाविरोधात आठवलेंची भूमिका

पंतप्रधान मोदी दुपारी १२:२९ वाजता शपथविधी सोहळ्याला उपस्थित राहण्यासाठी पोहोचतील. दिल्लीचे नवे मुख्यमंत्री दुपारी १२:३५ वाजता पद आणि गोपनीयतेची शपथ घेतील. यानंतर आमदारांना मंत्री म्हणून शपथ दिली जाईल. उपराज्यपाल व्ही.के. सक्सेना मुख्यमंत्री आणि मंत्र्यांना शपथ देतील.

दिल्लीच्या मुख्यमंत्री आणि नवीन मंत्रिमंडळाचा शपथविधी समारंभ २० फेब्रुवारी रोजी रामलीला मैदानावर होणार आहे. हा कार्यक्रम सकाळी ११ वाजता सुरू होईल. लेफ्टनंट गव्हर्नर व्ही.के. सक्सेना दुपारी १२.३५ वाजता नामनिर्देशित मुख्यमंत्री आणि मंत्रिमंडळाला शपथ देतील. पंतप्रधान नरेंद्र मोदी, केंद्रीय गृहमंत्री अमित शहा, एनडीएचे केंद्रीय मंत्री आणि उपमुख्यमंत्री या कार्यक्रमाला उपस्थित राहतील.

दिल्लीतील भारतीय जनता पक्षाच्या (भाजप) विधिमंडळ पक्षाच्या नेत्याच्या निवडीसाठी बुधवारी माजी केंद्रीय मंत्री रविशंकर प्रसाद आणि राष्ट्रीय सचिव ओम प्रकाश धनकड यांची केंद्रीय निरीक्षक म्हणून नियुक्ती करण्यात आली आहे. दिल्लीच्या नवीन मुख्यमंत्र्यांचे नाव निश्चित करण्यासाठी बुधवारी संध्याकाळी पक्षाच्या दिल्ली युनिट कार्यालयात विधिमंडळ पक्षाची बैठक बोलावण्यात आली आहे.

५ फेब्रुवारी रोजी झालेल्या दिल्ली विधानसभा निवडणुकीत आम आदमी पक्षाचा पराभव करून भाजप २७ वर्षांनी सत्तेत आला आहे. पक्षाच्या नेत्यांनी सांगितले की, दिल्ली भाजप कार्यालयात संध्याकाळी ७ वाजता सुरू होणाऱ्या विधिमंडळ पक्षाच्या बैठकीत पक्षाचे ४८ आमदार दिल्ली विधानसभेतील सभागृह नेते निवडतील, जो मुख्यमंत्री होईल.