कोरोनाची लाट ; दिल्ली-गुरुग्राममध्ये देशातील ४१ टक्के संक्रमित;एनसीआरच्या शाळांमध्ये भीतीचे वातावरणDelhi-Gurugram infected 41% of the country

कोरोनाची लाट ; दिल्ली-गुरुग्राममध्ये देशातील ४१ टक्के संक्रमित;एनसीआरच्या शाळांमध्ये भीतीचे वातावरण

वृत्तसंस्था

नवी दिल्ली : बुधवारी देशात १०८८ नवे कोरोना रुग्ण आढळले. त्याचबरोबर दिल्ली आणि गुरुग्राममधील रुग्ण झपाट्याने वाढले आहेत. येथे देशभरातील एकूण रुग्णांपैकी ४१ % रुग्ण बाधित आढळले. दिल्लीत ४ मार्चनंतर सर्वाधिक रुग्ण आढळले आहेत. Delhi-Gurugram infected 41% of the country

आरोग्य विभागाने दिलेल्या माहितीनुसार, एका दिवसात २९९ जण बाधित आढळले आहेत. गुरुग्राममध्ये १४६ नवे रुग्ण आढळले आहेत. त्याचबरोबर एनसीआरच्या शाळांमध्ये संसर्गाची प्रकरणे समोर आल्यानंतर दिल्लीतील शाळांमध्येही हे रुग्ण आढळू लागले आहेत. गंगाराम रोड येथील बालभारती पब्लिक स्कूलमधील एक शिक्षक बाधित आढळून आला. व्यवस्थापनाने शाळा बंद केली आहे.

त्याचबरोबर यूपीमध्ये २४ तासांत एक लाख २४ हजार ६७३ कोरोना चाचण्यांमध्ये ५५ नव्या रुग्णांची पुष्टी झाली आहे. याच काळात ३७ जण कोरोनामुक्तही झाले आहेत. येथील संसर्गाचे प्रमाण आता ०.०५ टक्के इतके झाले आहे. देशात गेल्या २४ तासांत ३६ टक्के रुग्णवाढ नोंदवण्यात आली आहे. मृत्यूही वाढले आहेत. गेल्या एका दिवसात १,०८१ कोरोना रुग्ण बरेही झाले आहेत. गेल्या एका दिवसात २६ रुग्णांचा कोरोनामुळे मृत्यूही झाला आहे. त्यामुळे मृतांची संख्या ५.२१, ७३६ झाली आहे.

गाझियाबाद-नोएडा शाळांमध्ये आणखी १४ मुले बाधित

गाझियाबाद आणि नोएडामधील शाळांमध्ये बुधवारी आणखी १४ मुले संक्रमित आढळली. गाझियाबादमध्ये दोन शाळांमध्ये पाच विद्यार्थ्यांसह सात बाधित आढळून आले आहेत. आतापर्यंत २१ विद्यार्थ्यांमध्ये संसर्गाची पुष्टी झाली आहे. नोएडामध्ये नऊ मुले संक्रमित आढळली आहेत. यासह चार दिवसांत ३० हून अधिक मुलांना कोरोनाची लागण झाली आहे. गौतम बुद्ध नगरमध्ये सक्रिय रुग्णांची संख्या ९० झाली असून त्यात १७ बालकांचा समावेश आहे. त्याचबरोबर गाझियाबादमध्ये सक्रिय रुग्णांची संख्या ३५ झाली आहे.