Ravindra Chavan : काँग्रेसने नांदेड पोटनिवडणुकीसाठी रविंद्र चव्हाणांना दिली उमेदवारी

By, Pravin Pawar - October 18, 2024 11:00:39

0

काँग्रेसचे दिवंगत खासदार वसंतराव बळवंतराव चव्हाण यांचे ते पुत्र आहेत.

विशेष प्रतिनिधी

मुंबई : Ravindra Chavan नांदेड लोकसभा पोटनिवडणुकीसाठी काँग्रेसने रविंद्र वसंतराव चव्हाण यांना उमेदवारी दिली आहे. काँग्रेसचे दिवंगत खासदार वसंतराव बळवंतराव चव्हाण यांचे ते पुत्र आहेत. वसंतराव चव्हाण यांच्या निधनानंतर ही जागा रिक्त झाली होती. लोकसभा निवडणुकीत वसंतरावांनी भाजपचे प्रतापराव चिखलीकर यांचा पराभव केला होता.Ravindra Chavan

Uttar Pradesh : उत्तर प्रदेशमध्ये पोटनिवडणुकीची तारीख पुढे ढकलली जाणार?

काँग्रेस प्रदेशाध्यक्ष नाना पटोले यांनी बुधवारीच वसंतरावांच्या मुलाला नांदेडमधून तिकीट देण्याचे संकेत दिले होते. 2019 मध्ये चिखलीकर यांनी नांदेडची जागा जिंकली होती, त्यानंतर भाजपने त्यांना पुन्हा संधी दिली होती. परंतु त्यांना पराभवाला सामोरे जावे लागले होते. त्यांना वसंतरावांच्या तुलनेत 469452 मते मिळाली. वसंतरावांना 528894 मते मिळाली होती.

वसंतराव पहिल्यांदा लोकसभेवर निवडून आले पण ऑगस्टमध्ये त्यांचे निधन झाले. त्यांना हैदराबाद येथील रुग्णालयात दाखल करण्यात आले होते. रवींद्र वसंतराव चव्हाण यांना लोकसभा पोटनिवडणुकीसाठी पक्षाचे उमेदवार म्हणून नामनिर्देशित करण्याच्या प्रस्तावाला पक्षाचे राष्ट्रीय अध्यक्ष मल्लिकार्जुन खर्गे यांनी मान्यता दिल्याचे काँग्रेसने प्रसिद्धीस दिलेल्या पत्रकात म्हटले आहे.