न्यूजक्लिकला चिनी निधी : पोलिसांचे नोएडा, गाजियाबादसह 30 ठिकाणी छापे; लिबरल्सची व्हिक्टीम कार्ड गेम सुरू!!

By, Pravin Wankhade - October 3, 2023 11:15:36

0

विशेष प्रतिनिधी

नवी दिल्ली : चीन मधून हवाला रॅकेट मार्फत पैसा मिळवून भारतात “लिबरल” वेबसाईट चालवणाऱ्या न्यूजक्लिक वेबसाईटच्या 10 पत्रकारांच्या 30 ठिकाणांवर पोलिसांनी छापे घातले. त्यानंतर या पत्रकारांची आणि त्यांच्या जोडीला लिबरल्सची व्हिक्टीम कार्ड गेम सुरू झाली आहे.Chinese funding to Newsclick: Police raids at 30 places including Noida, Ghaziabad; The Liberals’ Victim Card Game Begins!!

दिल्ली पोलिसांनी मंगळवारी न्यूजक्लिक पत्रकार उर्मिलेश, ओनिंदो चक्रवर्ती आणि अभिसार शर्मा यांच्यासह ७ पत्रकारांच्या घरांसह न्यूजक्लिक वेबसाइटशी लिंक असलेल्या 30 हून अधिक ठिकाणी छापे घातले. मात्र या प्रकरणी अद्याप कोणालाही अटक केलेली नाही. या प्रकरणाचा पुढील तपास अद्याप सुरू आहे.

परदेशातून निधी घेऊन न्यूज क्लिक वेबसाईटकडून भारताची बदनामी, चांगले घडल्यावर वाईट दाखविण्याचा प्रयत्न

यापूर्वी 22 ऑगस्ट रोजी दिल्ली उच्च न्यायालयाने न्यूजक्लिकचे मुख्य संपादक प्रबीर पुरकायस्थ यांना नोटीस दिली होती. दिल्ली पोलिसांच्या आर्थिक गुन्हे शाखेच्या (EOW) याचिकेवर ही नोटीस देण्यात आली आहे. याचिकेत पोलिसांनी न्यायालयाचा अंतरिम आदेश मागे घेण्याचे आवाहन केले होते, ज्यामध्ये वेबसाईटवर कडक कारवाई करण्यास बंदी घालण्यात आली होती.

Delhi police landed at my home. Taking away my laptop and Phone…

— Abhisar Sharma (@abhisar_sharma) October 3, 2023

पोलिसांनी आज छापे घातल्याबरोबर या पत्रकारांनी वेगवेगळी ट्विट आणि सोशल मीडिया पोस्ट करून व्हिक्टीम कार्ड खेळणे सुरू केले.

अभिसार शर्मा, उर्मिलेष यांनी ट्विट करून आपल्यावर कसा अन्याय होतो आहे, हे लिहिले आहे. हे माझ्या फोन मधून शेवटचे ट्विट आहे, असे भाषा सिंग हिने लिहिले आहे. संजय राजुराच्या घरी पोलिस पोचले आणि त्यांनी लॅपटॉप आणि मोबाईल हिसकावून घेतला, असा दावा अभिनंदन सेखरी याने केला आहे.

उच्च न्यायालयाने पुरकायस्थ यांच्या अटकेला स्थगिती दिली होती खरेतर, 7 जुलै 2021 रोजी दिल्ली उच्च न्यायालयाने प्रबीर पुरकायस्थ यांना अटक न करण्याचे आदेश दिले होते. मात्र, अधिकाऱ्यांच्या सूचनेनुसार पुरकायस्थ यांना तपासात सहकार्य करावे लागेल, असे न्यायालयाने म्हटले होते. दिल्ली पोलिसांच्या याचिकेनंतर न्यायालयाने याप्रकरणी पुरकायस्थकडून उत्तर मागितले होते.

Delhi police come to comic and satirist Sanjay Rajaura’s house. Forcibly take his phone and lap top for “investigation”.

— Abhinandan Sekhri (@AbhinandanSekhr) October 3, 2023

न्यूजक्लिकचा मुद्दा संसदेत

7 ऑगस्ट रोजी संसदेच्या पावसाळी अधिवेशनात लोकसभेत भाजप खासदार निशिकांत दुबे यांनी न्यूजक्लिकला चिनी निधीचा मुद्दा उपस्थित केला होता. त्याच दिवशी संसद सदस्यत्व बहाल केल्यानंतर 137 दिवसांनी राहुल गांधी संसद भवनात पोहोचले. शेजारी देशांच्या पैशाने देशात पंतप्रधान मोदींविरोधात वातावरण निर्माण करण्यात आल्याचे दुबे म्हणाले होते. शेजारील देशातून बातम्यांच्या वेबसाईटवर पैसे आले.

Finally last tweet from this phone. Delhi police seizure my phone.

— bhasha singh (@Bhashak) October 3, 2023

केंद्रीय मंत्री अनुराग ठाकूर यांनीही पत्रकार परिषदेत आरोप केला की, ‘काँग्रेस, चीन आणि वादग्रस्त न्यूज वेबसाइट न्यूज क्लिक एकाच नाळने जोडलेले आहेत. राहुल गांधींच्या ‘फेक लव्ह शॉप’मध्ये शेजारच्या वस्तू स्पष्टपणे दिसू शकतात. त्यांचे चीनवरील प्रेम दिसून येते. ते भारतविरोधी मोहीम राबवत आहेत.

अनुराग ठाकूर म्हणाले की, जेव्हा मी न्यूज क्लिक आणि त्याच्या फंडिंगबद्दल बोलतो तेव्हा भारतात याविरोधात छापे टाकण्यात आले होते. त्यात पैसे कोठून घेतले आणि पैसे कोठून आले याची माहिती आहे. त्यांच्या फंडिंग नेटवर्कवर नजर टाकली तर नवलराय सिंघमने त्यासाठी निधी दिला. चीनमधून त्याला निधी आला.