चीनचे अमेरिकेला आव्हान : चिनी परराष्ट्र मंत्री म्हणाले- अमेरिका आम्हाला चिरडून पुढे जाऊ शकत नाही|China's challenge to America Chinese Foreign Minister said- America cannot move forward by crushing us

चीनचे अमेरिकेला आव्हान : चिनी परराष्ट्र मंत्री म्हणाले- अमेरिका आम्हाला चिरडून पुढे जाऊ शकत नाही

वृत्तसंस्था

नवी दिल्ली : चीनचे परराष्ट्र मंत्री किन गँग यांनी मंगळवारी पत्रकार परिषदेत अमेरिकेला इशारा दिला. किन म्हणाले- अमेरिकेने चीनबद्दलचा आपला वाईट दृष्टिकोन बदलावा, अन्यथा दोन्ही देशांमधील वाद वाढू शकतो. चीनला चिरडून अमेरिका कधीही पुढे जाऊ शकत नाही. यामुळे चीनचा विकास थांबणार नाही.China’s challenge to America Chinese Foreign Minister said- America cannot move forward by crushing us

संसदेच्या बैठकीनंतर परराष्ट्र मंत्री म्हणून पहिल्या पत्रकार परिषदेला संबोधित करताना किन म्हणाले की, अमेरिका सुरक्षा आणि विकासाचे धोरण म्हणून यूएस-इंडो पॅसिफिक स्ट्रॅटेजी सांगते, प्रत्यक्षात ते आशियामध्ये दुसरा नाटो तयार करण्याचा प्रयत्न करत आहेत. ते निश्चितच अपयशी ठरतील.

अमेरिकेने फोडला एकच बलून; पण चीनचे मोठे षडयंत्र; 40 देशांमध्ये सोडले “स्पाय बलून”

‘अमेरिका चीनला मानते सर्वात मोठा शत्रू’

किन म्हणाले- अमेरिका आम्हाला आपला सर्वात मोठा शत्रू आणि जागतिक राजकारणातील सर्वात मोठे आव्हान मानते. त्यांचा हा विचार पूर्णपणे चुकीचा आहे. युद्धात न जाता चीनशी संबंध सुधारावे लागतील, असे अमेरिकेचे म्हणणे आहे. पण प्रत्यक्षात याचा अर्थ अपमान किंवा हल्ला झाला तरी आम्ही त्यांना प्रत्युत्तर देणार नाही, हे शक्य नाही. जर अमेरिकेने हे वर्तन थांबवले नाही, तर कोणतीही विधाने परिस्थिती नियंत्रणाबाहेर जाण्यापासून रोखू शकणार नाहीत.

चीन रशियाशी दृढ करणार संबंध

जेव्हा अमेरिका स्वतः तैवानला शस्त्रास्त्रे पुरविते तेव्हा रशियाला शस्त्रे पाठवण्याबाबत चीनला प्रश्न विचारण्याचा अधिकार नाही, असे किन म्हणाले. यादरम्यान किन यांनी युद्ध संपवण्याच्या चीनच्या भूमिकेचा पुनरुच्चार केला. ते म्हणाले- जगातील वाढता वाद पाहता चीनला रशियासोबतचे संबंध अधिक दृढ करावे लागतील. राष्ट्राध्यक्ष शी जिनपिंग आणि व्लादिमीर पुतिन यांच्यातील चर्चा या दिशेने एक सकारात्मक पाऊल आहे, असेही त्यांनी सांगितले.