Chandigarh Mayor Election: १४ मते मिळवत भाजपच्या सरबजीत कौर चंदिगडच्या नवीन महापौरपदी, 'आप'ने घातला गोंधळ । Chandigarh Mayor Election: BJP's Sarabjit Kaur gets 14 votes as new mayor of Chandigarh

Chandigarh Mayor Election: १४ मते मिळवत भाजपच्या सरबजीत कौर चंदिगडच्या नवीन महापौरपदी, ‘आप’ने घातला गोंधळ

मोठा गदारोळ सुरू असताना भाजपने चंदिगड महापालिकेच्या महापौरपदाची निवडणूक जिंकली आहे. भाजपच्या सरबजीत कौर चंदिगडच्या नवीन महापौर असतील. सरबजीत कौर यांना 14, तर आम आदमी पार्टीला (आप) 13 मते मिळाली. फाटलेल्या वॉलेट पेपरमुळे आम आदमी पार्टीचे एक मत रद्द करण्यात आले, त्यानंतर कार्यकर्त्यांनी गोंधळ घातला. Chandigarh Mayor Election: BJP’s Sarabjit Kaur gets 14 votes as new mayor of Chandigarh

वृत्तसंस्था

चंदिगड : मोठा गदारोळ सुरू असताना भाजपने चंदिगड महापालिकेच्या महापौरपदाची निवडणूक जिंकली आहे. भाजपच्या सरबजीत कौर चंदिगडच्या नवीन महापौर असतील. सरबजीत कौर यांना 14, तर आम आदमी पार्टीला (आप) 13 मते मिळाली. फाटलेल्या वॉलेट पेपरमुळे आम आदमी पार्टीचे एक मत रद्द करण्यात आले, त्यानंतर कार्यकर्त्यांनी गोंधळ घातला.

Ruckus by Aam Aadmi Party councillors at the Assembly Hall of Municipal Corporation Chandigarh after Bharatiya Janata Party wins mayor elections

— ANI (@ANI) January 8, 2022

महापौरांच्या खुर्चीजवळ नगरसेवकांचा गोंधळ

काँग्रेस आणि अकाली दलाने मतदानात भाग घेतला नाही. महापौरपदाच्या निवडणुकीनंतर आम आदमी पक्षाने महापौरांच्या खुर्चीभोवती गोंधळ घातला. यावेळी जोरदार घोषणाबाजीही करण्यात आली. गोंधळ इतका वाढला की पोलिसांनाही पाचारण करावे लागले. यावेळी आपचे नगरसेवकही महापौरांच्या खुर्चीजवळ धरणे धरून बसले. एक मत रद्द झाल्याने आपचे नगरसेवक नाराज झाले.

एक वर्षासाठी असते महापौर पद

महापालिकेत महापौरपद केवळ एक वर्षासाठी असते. दरवर्षी नवीन महापौर, ज्येष्ठ उपमहापौर, उपमहापौर यांची निवड होते. अशा स्थितीत चंदिगडच्या महापौरपदाच्या खुर्चीसाठी वर्षभर हेराफेरीचे राजकारण सुरू असते. म्हणजे पुढच्या वर्षी एखादा नगरसेवक दुसऱ्या पक्षात गेल्यावर परिस्थिती बदलते. चंदिगड महापालिका निवडणुकीत काँग्रेसला 8 जागा मिळाल्या होत्या, तर अकाली दलाला केवळ एक जागा जिंकता आली होती.