महिनाभर बंड पुकारल्यानंतर पंजाबचे माजी मुख्यमंत्री कॅप्टन अमरिंदर सिंग यांनी काँग्रेस सोडण्याची औपचारिक घोषणा केली आहे. अमरिंदर सिंग यांनी आपला राजीनामा काँग्रेस अध्यक्षा सोनिया गांधी यांच्याकडे पाठवला आहे. 2022 ची पंजाब विधानसभा निवडणूक आपण स्वतःचा पक्ष स्थापन करून लढणार असल्याचे अमरिंदर सिंग यांनी आधीच स्पष्ट केले आहे.captain amarinder singh resigns from congress know in details
वृत्तसंस्था
चंदिगड : महिनाभर बंड पुकारल्यानंतर पंजाबचे माजी मुख्यमंत्री कॅप्टन अमरिंदर सिंग यांनी काँग्रेस सोडण्याची औपचारिक घोषणा केली आहे. अमरिंदर सिंग यांनी आपला राजीनामा काँग्रेस अध्यक्षा सोनिया गांधी यांच्याकडे पाठवला आहे. 2022 ची पंजाब विधानसभा निवडणूक आपण स्वतःचा पक्ष स्थापन करून लढणार असल्याचे अमरिंदर सिंग यांनी आधीच स्पष्ट केले आहे.
सोनिया गांधींना दिलेल्या राजीनामा पत्रात कॅप्टन अमरिंदर सिंग यांनी नवज्योतसिंग सिद्धू यांना त्यांच्या इच्छेविरुद्ध अध्यक्ष बनवल्याचा आरोप केला आहे. अमरिंदर सिंग म्हणाले, माझ्या इच्छेविरुद्ध आणि सर्व खासदारांच्या सल्ल्यानुसार नवज्योतसिंग सिद्धू यांना अध्यक्ष करण्यात आले. सिद्धूने पाकिस्तानचे लष्करप्रमुख बाजवा आणि पंतप्रधान इम्रान खान यांची गळाभेट घेतली.
अमरिंदर आणि सिद्धूंमध्ये बेबनाव
2017 च्या विधानसभा निवडणुकीपूर्वी नवज्योतसिंग सिद्धू यांनी काँग्रेस पक्षात प्रवेश केला होता. पंजाबमध्ये सरकार स्थापन झाल्यापासून अमरिंदर सिंग आणि सिद्धू यांच्यातील संबंध तणावपूर्ण बनले आहेत. सिद्धू यांनी अलीकडेच पंजाब सरकारवर हल्ले तीव्र केले होते आणि सप्टेंबरमध्ये अमरिंदर सिंग यांना पंजाबचे मुख्यमंत्रिपद सोडावे लागले होते.
मात्र, अमरिंदर सिंग सिद्धूंवर निशाणा साधण्याची एकही संधी सोडत नाहीत. नवज्योतसिंग सिद्धू यांचा विधानसभा निवडणुकीत पराभव करण्यासाठी सर्वतोपरी प्रयत्न करणार असल्याचा दावा अमरिंदर सिंग यांनी केला आहे. अमरिंदर सिंग यांनीही वेगळा पक्ष स्थापन करून भाजपसोबत जागावाटपाची चर्चा केली आहे.
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App