NEET परीक्षा रद्द करणे योग्य ठरणार नाही, NTA ने सर्वोच्च न्यायालयाला सांगितले

By, Pravin Wankhade - July 5, 2024 05:30:06

0

म्हणाले हा होतकरू विद्यार्थ्यांचा विश्वासघात असेल, असंही सांगितलं आहे.

विशेष प्रतिनिधी

नवी दिल्ली : राष्ट्रीय पात्रता-सह-प्रवेश परीक्षा-ग्रॅज्युएट (NEET-UG) 2024 रद्द करणे योग्य नाही कारण त्यामुळे होतकरू विद्यार्थ्यांचा विश्वासघात होईल. नॅशनल टेस्टिंग एजन्सीने (NTA) शुक्रवारी NEET परीक्षेतील हेराफेरीप्रकरणी सर्वोच्च न्यायालयात दाखल केलेल्या प्रतिज्ञापत्रात ही माहिती दिली. पेपर फुटल्याची माहिती मिळताच सर्व आवश्यक पावले उचलण्यात आल्याचे एजन्सीने म्हटले आहे.Canceling NEET exam would not be right NTA told Supreme Court

लखनऊमध्ये NEETच्या विद्यार्थिनीवर ॲसिड हल्ला अटॅक; अर्धा चेहरा जळाला, वाचवताना डॉक्टर भाऊही जखमी

NTAने आपल्या प्रतिज्ञापत्रात म्हटले आहे की, अनेक राज्यांमध्ये NEET पेपर लीक झाल्याच्या तक्रारी आल्या आहेत आणि त्यामुळेच CBI या प्रकरणाचा तपास करत आहे. तसेच एनटीएने म्हटले आहे की याशी संबंधित प्रकरणांमध्ये अटक देखील करण्यात आली आहे आणि पेपर लीक करणाऱ्या संघटित टोळीचा तसेच त्याच्या म्होरक्याचा शोध सुरू आहे.

NTA सरकारी आणि खासगी संस्थांमधील MBBS, BDS, आयुष आणि इतर संबंधित अभ्यासक्रमांच्या प्रवेशासाठी NEET-UG परीक्षा आयोजित करते. ही परीक्षा यावर्षी 5 मे रोजी 4,750 केंद्रांवर घेण्यात आली, ज्यामध्ये सुमारे 24 लाख उमेदवार बसले होते. प्रश्नपत्रिका फुटण्यासह अनियमिततेच्या आरोपांमुळे अनेक शहरांमध्ये निदर्शने झाली आणि विरोधी पक्षांनी हा मुद्दा उपस्थित केला.

मागील परीक्षा रद्द करणे, फेरपरीक्षा घेणे आणि उच्चस्तरीय चौकशीची मागणी यासंदर्भातील याचिकांवर सर्वोच्च न्यायालयात ८ जुलै रोजी सुनावणी होणार आहे. याप्रकरणी सीबीआयने सहा एफआयआर नोंदवले आहेत. बिहारमध्ये दाखल करण्यात आलेली एफआयआर पेपर लीकशी संबंधित आहे, तर गुजरात आणि राजस्थानमध्ये दाखल करण्यात आलेल्या एफआयआर फसवणूक आणि उमेदवाराच्या जागी अन्य कोणीतरी परीक्षा घेण्याशी संबंधित आहेत.