Haryana : हरियाणामध्ये नगरपालिका निवडणुकीतही भाजपचा दणदणीत विजय

By, Pravin Wankhade - March 12, 2025 07:00:27

0

काँग्रेसची अवस्था विधानसभा निवडणुकीपेक्षाही वाईट आहे. काँग्रेसला नगरपालिकेची एकही जागा जिंकता आली नाही.

विशेष प्रतिनिधी

चंदीगढ : Haryana आता हरियाणामध्ये दुहेरी नाही तर तिहेरी इंजिन सरकार स्थापन झाले आहे. विधानसभा निवडणुकीनंतर, महापालिका निवडणुकीतही भाजपने दणदणीत विजय मिळवला आहे. हरियाणातील १० पैकी ९ नगरपालिका निवडणुकांमध्ये भाजपने विजय मिळवला आहे. तर भाजपच्या एका बंडखोर अपक्ष उमेदवाराने एका जागेवर विजय मिळवला.Haryana

काँग्रेसची अवस्था विधानसभा निवडणुकीपेक्षाही वाईट आहे. काँग्रेसला नगरपालिकेची एकही जागा जिंकता आली नाही. फरिदाबादमध्ये भाजप उमेदवार प्रवीण बत्रा जोशी यांनी देशातील सर्वात मोठा विजय नोंदवला. तसेच, भाजपच्या राज राणी मल्होत्रा यांनी गुरुग्रामची हाय-प्रोफाइल जागा जिंकली.

Devendra Fadnavis ‘’नियमभंग करणाऱ्या भोंग्यांवर कारवाई अटळ’’ ; मुख्यमंत्री फडणवीसांनी केले स्पष्ट

शहरात सरकार स्थापन करण्यात भाजपचा हा विजयी चौकार आहे. याआधी गुजरात, छत्तीसगड आणि उत्तराखंडच्या नगरपालिका निवडणुकीतही भाजपने दणदणीत विजय मिळवला होता. छत्तीसगडमधील सर्व १० जागा भाजपने जिंकल्या होत्या. आता भाजपने हरियाणात १० पैकी ९ जागा जिंकल्या आहेत.

हरियाणा नगरपालिका निवडणुकीत काँग्रेसला मोठा पराभव पत्करावा लागला. माजी मुख्यमंत्री भूपेंद्र सिंह हुड्डा यांच्या बालेकिल्ल्यातही काँग्रेसचा पराभव झाला.