चंदीगड महापौर निवडणुकीत भाजप विजयी, काँग्रेस आणि 'आप'च्या आघाडीला मोठा धक्का |BJP wins in Chandigarh Mayoral election big blow to Congress and AAP alliance

चंदीगड महापौर निवडणुकीत भाजप विजयी, काँग्रेस आणि ‘आप’च्या आघाडीला मोठा धक्का

मनोज सोनकर यांची चंदीगडचे नवे महापौर म्हणून निवड झाली आहे

विशेष प्रतिनिधी

चंदीगड : चंदीगडमध्ये आज म्हणजेच मंगळवारी महापौरपदाची निवडणूक पार पडली, त्यात भाजपने बाजी मारली. मनोज सोनकर यांची चंदीगडचे नवे महापौर म्हणून निवड झाली आहे. त्यांनी आम आदमी पक्षाचे कुलदीप कुमार यांचा पराभव केला.BJP wins in Chandigarh Mayoral election big blow to Congress and AAP alliance

सार्वत्रिक निवडणुकीपूर्वी एनडीए आणि इंडिया ब्लॉक यांच्यातील हा पहिला संघर्ष होता. कडेकोट बंदोबस्तात ही निवडणूक पार पडली. चंदीगड महापालिकेच्या सुरक्षेसाठी त्रिस्तरीय बॅरिकेड्स लावण्यात आले होते. महापालिकेच्या इमारतीभोवती तिहेरी सुरक्षा व्यवस्था करण्यात आली होती.

कंगना रनोत चंदीगडमधून निवडणूक लढवणार असल्याची चर्चा; अभिनेत्रीने स्वत: दिले हे स्पष्टीकरण

निवडणुकीदरम्यान 800 सैनिक तैनात करण्यात आले होते. चंदीगड पोलिसांचे 600 कर्मचारी, ITPB आणि रॅपिड ॲक्शन फोर्सचे प्रत्येकी 100 कर्मचारी तैनात करण्यात आले होते.

यापूर्वी ही निवडणूक 18 जानेवारीला होणार होती, मात्र पीठासीन अधिकारी अनिल मसिह यांच्या आजारपणामुळे चंदीगड प्रशासनाने ती 6 फेब्रुवारीपर्यंत पुढे ढकलली होती. मात्र, काँग्रेस आणि आपच्या नगरसेवकांनी या निर्णयाला विरोध केला. 35 सदस्यांच्या महापालिका सभागृहात आप आणि काँग्रेस आघाडीकडे मिळून 20 मते असून, भाजपच्या 15 मतांपुढे कडवे आव्हान होते. यामध्ये 14 नगरसेवक आणि खासदार किरण खेर यांच्या अतिरिक्त मतांचा समावेश आहे.