आसाममध्ये भाजपा लोकसभेच्या 11 जागांवर उमेदवार उभे करणार

भाजपा, एजीपी आणि यूपीपीएल मध्ये एकमत!

विशेष प्रतिनिधी

गुवाहाटी : आसाममधील लोकसभेच्या जागांच्या वाटपाबाबत भाजपा आणि मित्रपक्षांमध्ये करार झाला आहे. राज्याचे मुख्यमंत्री हिमंता बिस्वा सरमा यांनी ही माहिती दिली. या करारानुसार भाजप राज्यातील 11 जागांवर निवडणूक लढवणार आहे.BJP will field candidates for 11 Lok Sabha seats in Assam

आसाममध्ये मुस्लिम विवाह आणि घटस्फोट कायदा रद्द; सरकारने सांगितले- UCCच्या दिशेने एक मोठे पाऊल, यामुळे बालविवाह थांबेल

भाजपाचे मित्रपक्ष आसाम गण परिषद (एजीपी) दोन जागांवर आणि युनायटेड पीपल्स पार्टी लिबरल (यूपीपीएल) एका जागेवर निवडणूक लढवेल. एजीपी बारपेटा आणि धुबरी येथून निवडणूक लढवणार आहे, तर यूपीपीएल कोक्राझारमधून आपला उमेदवार उभा करणार आहे.

एनडीएचे मित्रपक्ष सर्व 14 मतदारसंघात एकमेकांच्या उमेदवारांना पाठिंबा देतील, असे मुख्यमंत्री म्हणाले. भाजपच्या प्रदेश मुख्यालयात आयोजित पत्रकार परिषदेत ते बोलत होते ते म्हणाले.

बुधवारी भाजपचे प्रदेश प्रमुख भाबेश कलिता आणि राष्ट्रीय अध्यक्ष जेपी नड्डा, केंद्रीय गृहमंत्री अमित शाहा आणि राष्ट्रीय सरचिटणीस बीएल संतोष यांची बैठक घेतली. यावेळी जागावाटपाबाबत चर्चा झाली.