Home  »  भारत माझा देश

Rekha Gupta भाजपने रेखा गुप्तांच्या रूपाने दिल्लीला दिला चौथ्या महिला मुख्यमंत्र्याचा लाभ!!

By, Pravin Wankhade - February 19, 2025 08:40:15
0
Rekha Gupta

विशेष प्रतिनिधी

नवी दिल्ली : रेखा गुप्तांच्या रूपाने दिल्ली राज्याला भाजपने चौथ्या महिला मुख्यमंत्र्याचा लाभ दिला. शालीमार बाग मतदारसंघातून दिल्ली विधानसभेवर निवडून आलेल्या रेखा गुप्ता यांची भाजपने विधिमंडळ पक्षाच्या नेतेपदी निवड केली. त्या उद्या रामलीला मैदानावर दुपारी 12:30 वाजता मुख्यमंत्रीपदाची शपथ घेतील.

दिल्लीच्या विधानसभा निवडणुकीनंतर मुख्यमंत्री कोण होणार??, याचा सस्पेन्स भाजपने आज शिवजयंतीच्या दिवशी सायंकाळी संपविला. रेखा गुप्ता यांच्या रूपाने दिल्ली राज्याला चौथ्या महिला मुख्यमंत्री पदाची भेट दिली. रेखा गुप्ता यांच्या आधी सुषमा स्वराज या भाजपकडून दिल्लीच्या पहिल्या महिला मुख्यमंत्री होत्या. त्यानंतर शीला दीक्षित काँग्रेसकडून तब्बल तीन टर्म म्हणजे १५ वर्षे दिल्लीच्या मुख्यमंत्री होत्या. अतिशी मार्लेना आम आदमी पार्टीच्या दिल्लीच्या मुख्यमंत्री होत्या. त्यांच्यानंतर आता रेखा गुप्ता भाजपकडून दिल्लीच्या चौथ्या महिला मुख्यमंत्री असतील.

रेखा गुप्ता शालिमार बाग या मतदारसंघातून दिल्ली विधानसभेवर निवडून आल्या. त्या दिल्ली प्रदेश भाजपच्या सरचिटणीस होत्या. पूर्वी त्यांनी अखिल भारतीय विद्यार्थी परिषदेत काम केले होते. विधानसभा निवडणुकीमध्ये 48 जागांचे भक्कम बहुमत मिळाल्यानंतर भाजपला पुढच्या पाच वर्षांसाठी मुख्यमंत्री पदावरचा चेहरा हवा होता तो रेखा गुप्ता यांच्या रूपाने पक्षाने निवडला.

BJP leaders celebrate the election of MLA Rekha Gupta as the new Chief Minister of Delhi

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    NEXT POST PREVIOUS POST
    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात