”काँग्रेसच्या प्रेमाच्या दुकानातून निघाला नोटांचा डोंगर , नितीश कुमार गप्प का?”


भाजपा नेते सुशील मोदींचा विरोधकांच्या इंडिया आघाडीवर हल्लाबोल!


विशेष प्रतिनिधी

पाटणा : काँग्रेस खासदार धीरज साहू यांच्या झारखंड आणि ओडिशातील ठिकाणांवर आयटीने टाकलेल्या छाप्यात करोडो रुपयांची रोकड जप्त करण्यात आली आहे. अजूनही नोटांची मोजणी सुरू आहे.BJP leader Sushil Modi criticizes India Aghadi

आतापर्यंत अंदाजे 300 कोटी नोटा मोजल्या गेल्या आहेत. त्याचवेळी काँग्रेस नेत्याच्या एवढ्या मोठ्या घबाडावरून राजकीय वक्तव्येही केली जात आहेत. बिहारचे माजी उपमुख्यमंत्री सुशील मोदी यांनी काँग्रेसवर जोरदार हल्ला चढवला आहे.



आयटीच्या छाप्यात काँग्रेस नेत्याच्या घरातून मोठी रोकड जप्त झाल्याबद्दल राज्यसभा खासदार सुशील मोदी म्हणाले, काँग्रेसच्या प्रेमाच्या दुकानात सापडलेल्या नोटांचा डोंगर आणि मोजणी सुरू आहे. मोहब्बत की शॉपच्या फ्रँचायझीच्या फ्लॉवर पॉटमध्ये 300 कोटी रुपये सापडले आहेत, असे दिसते की खूप विक्री झाली आहे?

सुशील मोदींनी काँग्रेस नेत्याच्या ठिकाणांहून रोख रक्कम जप्त करण्यात आल्यावरून आणि संसदेत प्रश्न विचारण्यासाठी पैसे घेतल्याच्या आरोपाखाली टीएमसी खासदार महुआ मोईत्रा यांचे लोकसभा सदस्यत्व रद्द केल्याबद्दल I-N-D-I-A आघाडीवरही ताशेरे ओढले आहेत.

त्यांनी लिहिले आहे एकीकडे काँग्रेसचे खासदार धीरज साहू यांच्या घरातून 300 कोटींहून अधिक रुपयांची रोकड जप्त आणि दुसरीकडे प्रश्न विचारण्यासाठी पैसे घेतल्याच्या आरोपावरून तृणमूलच्या खासदार महुआ मोईत्रा यांचे सदस्यत्व संपुष्टात येणे, यावरून स्पष्ट होते. इंडिया आघाडी म्हणजे जिथे भ्रष्टाचार, कमिशन कमिशन, लुटमार आणि दलालीची हमी असते, तर नरेंद्र मोदी हे भ्रष्टाचाराचे समूळ उच्चाटन करण्याची हमी असते.

BJP leader Sushil Modi criticizes India Aghadi

महत्वाच्या बातम्या

LEAVE A COMMENT

To be published, comments must be reviewed by the administrator.*