Ravi Shankar Prasad दिल्लीत मुख्यमंत्री निवडण्यासाठी भाजपकडून रविशंकर प्रसाद, ओमप्रकाश धनखड यांची निरीक्षक पदी नियुक्ती!!

दिल्लीत मुख्यमंत्री निवडण्यासाठी भाजपकडून रविशंकर प्रसाद, ओमप्रकाश धनखड यांची निरीक्षक पदी नियुक्ती!!

विशेष प्रतिनिधी

नवी दिल्ली : दिल्लीत मुख्यमंत्री पदाच्या निवडणुकीसाठी भाजपने माजी केंद्रीय मंत्री रविशंकर प्रसाद आणि ओमप्रकाश धनखड यांची आज दुपारी निरीक्षक पदी नियुक्ती केली. दिल्ली भाजप विधिमंडळ पक्षाची आज सायंकाळी सात वाजता बैठक होणार असून या बैठकीत विधिमंडळ पक्षाच्या नेते पदाची निवड होणार आहे त्यासाठी रविशंकर प्रसाद आणि ओमप्रकाश धनखड भाजपचे केंद्रीय निरीक्षक हजर राहतील. हे दोन्ही नेते सर्व आमदारांशी चर्चा करून नव्या नेत्याची निवड करतील.

भाजपा संसदीय बोर्ड ने दिल्ली प्रदेश में पार्टी विधायक दल के नेता के चुनाव हेतु श्री @rsprasad, सांसद एवं पूर्व केंद्रीय मंत्री तथा श्री @OPDhankar, राष्ट्रीय सचिव, भाजपा को केंद्रीय पर्यवेक्षक नियुक्त किया है। pic.twitter.com/K6qBQosgjP

— BJP (@BJP4India) February 19, 2025

दिल्ली विधानसभा निवडणुकीत आम आदमी पार्टीचा पराभव करून भाजपने 48 जागा जिंकल्या. त्यामुळे उद्या भाजपचे बहुमताचे सरकार स्थापन होणार आहे उद्या दुपारी १२.४५ वाजता दिल्लीच्या नव्या मुख्यमंत्र्यांचा रामलीला मैदानावर शपथविधी होणार आहे. या शपथविधी सोहळ्याला पंतप्रधान नरेंद्र मोदी, गृहमंत्री अमित शाह अनेक केंद्रीय मंत्री अनेक राज्यांचे मुख्यमंत्री उपस्थित राहणार असून त्याआधी भाजपा विधिमंडळ नेत्याची निवड आज सायंकाळी ७.०० वाजता होणार आहे.

दिल्लीचे मुख्यमंत्री पदासाठी प्रवेश वर्मा, विजेंद्र गुप्ता, मनोज तिवारी, रेखा गुप्ता आदी नेत्यांची नावे माध्यमांच्या चर्चेत आहेत. भाजपच्या केंद्रीय नेतृत्वाचे ट्रॅक रेकॉर्ड बघता दिल्लीला यापेक्षा वेगळा चेहरा मुख्यमंत्री पदासाठी मिळू शकतो, अशी देखील दबक्या आवाजात चर्चा आहे.