बिहार NDA जागावाटप! भाजपला 17 जागा, जाणून घ्या काय आहे JDU आणि इतरांची परिस्थिती!Bihar NDA Seat Allocation 17 seats for BJP know what is the situation of JDU and others

बिहार NDA जागावाटप! भाजपला 17 जागा, जाणून घ्या काय आहे JDU आणि इतरांची परिस्थिती!

एनडीएच्या सर्व नेत्यांनी बिहारमधील 40 जागांवर निवडणूक जिंकणार असल्याचे सांगितले. Bihar NDA Seat Allocation 17 seats for BJP know what is the situation of JDU and others

विशेष प्रतिनिधी

नवी दिल्ली : बिहार एनडीएमध्ये जागावाटपावर एकमत झाले आहे. बिहारमधील जागांच्या कराराबाबत एनडीएने सोमवारी पत्रकार परिषद घेऊन मोठी माहिती दिली. जागा वाटपाबाबत माहिती देताना एनडीए नेत्यांनी सांगितले की, बिहारमध्ये भाजप 17 जागांवर, जेडीयू 16, लोजप रामविलास 5, उपेंद्र कुशवाह 1 आणि जीतन राम मांझी 1 जागेवर निवडणूक लढवणार आहेत.

सोमवारी नवी दिल्लीत भाजप नेते आणि बिहारचे प्रभारी विनोद तावडे, सम्राट चौधरी, मंगल पांडे, जेडीयू नेते संजय झा, जीतन राम मांझी, एचएएमचे दिल्ली अध्यक्ष रजनीश कुमार, आरएलएमचे अध्यक्ष उपेंद्र कुशवाह, चिराग पासवान यांच्या पक्षाचे राजू रा. तिवारी यांनी पत्रकार परिषदेत जागावाटपाबाबत मोठी घोषणा केली आहे. यादरम्यान एनडीएच्या सर्व नेत्यांनी बिहारमधील 40 जागांवर निवडणूक जिंकणार असल्याचे सांगितले.

एनडीएमध्ये ठरलेल्या फॉर्म्युल्यानुसार भाजपने पश्चिम चंपारण, पूर्व चंपारण, मधुबनी, अररिया, दरभंगा उजियारपूर, सारण, महाराजगंज, बेगुसराय, नवादा, पटना साहिब, पाटलीपुत्र, अररिया, अरराह, बक्सरमधून उमेदवारी दिली आहे. तर वाल्मिकीनगर, सीतामढी, झांझारपूर, सुपौल, कटिहार, बांका, नालंदा, शिवहर, किशनगंज, मधेपुरा या जागा जेडीयूच्या बाजूने आल्या आहेत.

गया सीट जीतन राम मांझी यांच्या HAM पक्षाला देण्यात आली आहे. उपेंद्र कुशवाह करकटमधून निवडणूक लढवणार आहेत. तर चिराग पासवान यांना हाजीपूर, वैशाली, जमुई, खगरिया, समस्तीपूर या जागा मिळाल्या आहेत.