जयाप्रदा यांना न्यायालयाकडून मोठा दिलासा, आचारसंहिता भंग प्रकरणातून निर्दोष मुक्तता!

By, Pravin Wankhade - July 11, 2024 07:00:09

0

न्यायालयाने जयाप्रदा यांची पुराव्याअभावी निर्दोष मुक्तता केली आहे.

विशेष प्रतिनिधी

रामपूर: माजी खासदार आणि प्रसिद्ध चित्रपट अभिनेत्री जया प्रदा यांना गुरुवारी न्यायालयाकडून मोठा दिलासा मिळाला आहे. आचारसंहिता भंगाच्या प्रकरणात न्यायालयाने जयाप्रदा यांची पुराव्याअभावी निर्दोष मुक्तता केली. गुरुवारी जया प्रदा आपल्या वकिलासोबत कोर्टात पोहोचल्या होत्या. या प्रकरणी निकाल देताना न्यायालयाने पुराव्याअभावी त्यांची निर्दोष मुक्तता केली. या संपूर्ण प्रकरणात जयाप्रदा यांच्या वकिलाने त्यांची बाजू जोरदार मांडली.Big relief to Jayaprada from the court acquittal in case of violation of code of conduct

खासदार-आमदार विशेष न्यायालयाचे न्यायाधीश शोभित बन्सल यांनी हा निकाल दिला. फिर्यादीने आरोप सिद्ध न केल्याने न्यायालयाने जयाप्रदा यांची निर्दोष मुक्तता केली. कोर्टाच्या बाहेर मीडियाशी बोलताना जया प्रदा म्हणाल्या की, कोर्टाच्या निर्णयाने मी आनंदी आणि भावूक आहे. सत्याचा विजय होतो. न्यायालयाचे खूप खूप आभार.

अभिनेत्री आणि माजी खासदार जया प्रदा यांना 6 महिन्यांची शिक्षा, थिएटर कर्मचाऱ्यांनी केली होती याचिका

2019 च्या लोकसभा निवडणुकीत जयाप्रदा यांच्यावर आचारसंहिता भंगाचे दोन गुन्हे दाखल करण्यात आले होते. यापैकी एक केस केमरी पोलीस ठाण्यात आहे, ज्याची नोंद व्हिडिओ सर्व्हिलन्स टीमचे प्रभारी कुलदीप भटनागर यांनी केली आहे. असे सांगण्यात आले की, 18 एप्रिल 2019 रोजी पिपलिया मिश्रा गावात भाजप उमेदवार जया प्रदा यांची जाहीर सभा होती. जयाप्रदा यांनी बसपा सुप्रीमो मायावती आणि आझम खान यांच्याबाबत वक्तव्य केले होते.

एका खटल्यात फिर्यादी पक्षाची साक्ष पूर्ण झाल्यानंतर जया प्रदा यांचा जबाब नोंदवायचा होता. तर दुसऱ्या प्रकरणात साक्ष सुरू होती. मात्र, जया प्रदा न्यायालयात हजर नव्हत्या. त्यामुळे न्यायालयाने अनेकवेळा जया प्रदा यांच्याविरुद्ध अजामीनपात्र वॉरंट बजावले.

7 फेब्रुवारी रोजी न्यायालयाने नाराजी व्यक्त करत जया प्रदा यांना फरार घोषित करून त्यांना अटक करून न्यायालयात हजर करण्याचे आदेश पोलिसांना दिले होते. तसेच CO च्या नेतृत्वाखाली टीम तयार करण्यास सांगितले. आचारसंहिता प्रकरणी गुरुवारी झालेल्या सुनावणीदरम्यान न्यायालयाने माजी खासदार जयाप्रदा यांची निर्दोष मुक्तता केली.