हातरस चेंगराचेंगरीवर पोलिसांची मोठी कारवाई, आयोजन समितीच्या सहा जणांना अटक!

By, Pravin Wankhade - July 4, 2024 06:00:50

0

मुख्य आरोपी देव प्रकाश मधुकर याच्यावर एक लाख रुपयांचे बक्षीस ठेवण्यात आले आहे

विशेष प्रतिनिधी

लखनऊ : हातरस येथे भोले बाबाच्या सत्संगादरम्यान झालेल्या चेंगराचेंगरीवर उत्तर प्रदेश पोलिसांनी मोठी कारवाई केली आहे. पोलिसांनी चौकशीनंतर सहा जणांना अटक केली आहे. अलीगडचे आयजी सलाभ माथूर यांनी पत्रकार परिषदेत या कारवाईची माहिती दिली.Big police action on Hathras stampede six people of the organizing committee arrested

पोलिसांनी सांगितले की, अटक करण्यात आलेले आरोपी हे आयोजन समितीचे सदस्य आहेत. आयजी माथूर म्हणाले की, भोले बाबाच्या गुन्ह्याच्या कुंडलीचा तपास सुरू आहे. पोलीस लवकरच भोले बाबापर्यंत पोहोचतील. या दुर्घटनेच्या मास्टरमाइंडची माहिती देणाऱ्याला एक लाख रुपयांचे बक्षीस देण्यात येणार असल्याचे त्यांनी सांगितले.

भोले बाबांची हातरसच्या चेंगराचेंगरीच्या दुर्घटनेवर आली पहिली प्रतिक्रिया, म्हणाले…

2 जुलै (मंगळवार) रोजी सूरजपाल उर्फ भोले बाबा उर्फ नारायण साकार हरी यांच्या सत्संगानंतर चेंगराचेंगरी झाली होती, ज्यामध्ये 121 लोकांचा मृत्यू झाला होता. मुख्य आरोपी देव प्रकाश मधुकर याच्यावर एक लाख रुपयांचे बक्षीस ठेवण्यात आले आहे. पोलिस लवकरच कोर्टाकडून अजामीनपात्र वॉरंट काढण्याच्या तयारीत आहेत. गरज भासल्यास भोले बाबाची चौकशी केली जाईल, असे ते म्हणाले. एफआयआरमध्ये भोले बाबाचे नाव नसले तरी. भोले बाबाच्या गुन्हेगारी इतिहासाची माहिती गोळा करण्यात येत आहे.

आयजींनी आयोजित पत्रकार परिषदेत बाबाच्या अटकेबाबत विचारले असता, बाबाच्या नावाने कार्यक्रम आयोजित करण्याची परवानगी घेण्यात आली नसल्याचे त्यांनी सांगितले. जबाबदारी आयोजकांच्या नावावर होती, ज्या व्यक्तीच्या नावाने कार्यक्रमासाठी परवानगी मागितली होती त्याच्यावर (मधुकर) एक लाख रुपयांचे बक्षीस जाहीर करण्यात आले आहे. आयजी माथूर पुढे म्हणाले की, बाबा गेल्यानंतर लोकांना अचानक सोडण्यात आले, त्यामुळे चेंगराचेंगरी झाली.