मोठी बातमी : सेमीकंडक्टर आणि डिस्प्ले बोर्डसारखी उपकरणे भारतात बनणार, मोदी मंत्रिमंडळाची 76 हजार कोटींच्या योजनेला मंजुरी|Big News Devices like semiconductor and display boards will be made in India, Modi cabinet approved the plan of 76 thousand crores

मोठी बातमी : सेमीकंडक्टर आणि डिस्प्ले बोर्डसारखी उपकरणे भारतात बनणार, मोदी मंत्रिमंडळाची ७६ हजार कोटींच्या योजनेला मंजुरी

केंद्रीय मंत्रिमंडळाने सेमीकंडक्टर आणि डिस्प्ले बोर्डच्या निर्मितीला प्रोत्साहन देण्यासाठी PLI योजनेला मंजुरी दिली आहे. माहिती आणि प्रसारण मंत्री अनुराग ठाकूर यांनी ही माहिती दिली. या योजनेची माहिती देताना केंद्रीय मंत्री अश्विनी वैष्णव म्हणाले की, बुधवारी पंतप्रधान नरेंद्र मोदी यांनी ऐतिहासिक निर्णय घेतला आहे. सेमीकंडक्टर चिप्सच्या संपूर्ण इकोसिस्टमचे डिझाइन, फॅब्रिकेशन, पॅकेजिंग, चाचणी आणि विकास यासाठी निर्णय घेण्यात आला आहे. ज्यासाठी 76 हजार कोटी रुपयांच्या गुंतवणुकीला आज मंजुरी देण्यात आली आहे.Big News Devices like semiconductor and display boards will be made in India, Modi cabinet approved the plan of 76 thousand crores

वृत्तसंस्था

नवी दिल्ली : केंद्रीय मंत्रिमंडळाने सेमीकंडक्टर आणि डिस्प्ले बोर्डच्या निर्मितीला प्रोत्साहन देण्यासाठी PLI योजनेला मंजुरी दिली आहे. माहिती आणि प्रसारण मंत्री अनुराग ठाकूर यांनी ही माहिती दिली. या योजनेची माहिती देताना केंद्रीय मंत्री अश्विनी वैष्णव म्हणाले की, बुधवारी पंतप्रधान नरेंद्र मोदी यांनी ऐतिहासिक निर्णय घेतला आहे.

सेमीकंडक्टर चिप्सच्या संपूर्ण इकोसिस्टमचे डिझाइन, फॅब्रिकेशन, पॅकेजिंग, चाचणी आणि विकास यासाठी निर्णय घेण्यात आला आहे. ज्यासाठी 76 हजार कोटी रुपयांच्या गुंतवणुकीला आज मंजुरी देण्यात आली आहे.

मोठी बातमी : भारतात सेमीकंडक्टर चिपच्या उत्पादनाची दाट शक्यता, तैवानसोबत 7.5 अब्ज डॉलर्सच्या महाकरारावर चर्चा

Union Cabinet approves Programme for Development of Semiconductors and Display Manufacturing Ecosystem in India pic.twitter.com/kerzxHhTB7

— ANI (@ANI) December 15, 2021

या योजनेबाबत माहिती देताना अनुराग ठाकूर म्हणाले की, सेमीकंडक्टरसाठी पीएलआय (उत्पादन-लिंक्ड इन्सेंटिव्ह स्कीम) योजनेवर ७६,००० कोटी रुपयांची गुंतवणूक केली जाणार आहे. या योजनेद्वारे केंद्र सरकारला देशाचा इलेक्ट्रॉनिक हब म्हणून विकास करायचा आहे, कारण मायक्रोचिपच्या कमतरतेचा थेट परिणाम उद्योगांच्या उत्पादनावर होतो.

केंद्र सरकारच्या म्हणण्यानुसार या योजनेवर 6 वर्षांत 76 हजार कोटी रुपये खर्च केले जातील. सेमीकंडक्टर क्षेत्रात भारताच्या आत्मनिर्भरतेसाठी व्यापक कार्यक्रम मंजूर करण्यात आला आहे. केंद्राने सांगितले की, भारत हा जगातील सर्वात मोठा मोबाईल उत्पादक देश बनला आहे. इलेक्ट्रॉनिक क्षेत्रात देशाला पुढे नेण्यात हे पाऊल मोठी भूमिका बजावेल, असे सरकारचे म्हणणे आहे.

अश्विनी वैष्णव म्हणाले की, जो देश वॅफर्स बनवायला शिकला नाही तो देश मागे राहील. त्याची संपूर्ण साखळी वॅफर, चिप, सेमीकंडक्टर उत्पादन, त्याचे पॅकेजिंग विकसित करण्याचे काम केले जाईल. ते म्हणाले की, आज जगातील 20 टक्के सेमीकंडक्टर डिझायनर्स भारतातील आहेत. 85 हजार उच्च प्रशिक्षित अभियंत्यांसाठी C2S म्हणजेच चिप ते सेमीकंडक्टर असे नियोजन केले जाईल. येत्या दोन वर्षांत 20 युनिट्स उभारण्यात येणार असल्याचे त्यांनी सांगितले.