असदुद्दीन ओवैसींच्या पाठिंब्याने बनले आमदार; काँग्रेस नेत्याने ओवैसींच्या पाया पडून मानले आभार!!

By, Pravin Wankhade - November 17, 2025 04:00:50

0

विशेष प्रतिनिधी

हैदराबाद : असदुद्दीन ओवैसी यांना नेहमीच भाजपची बी टीम म्हणणाऱ्या काँग्रेस नेत्यांचा दुटप्पी व्यवहार आज समोर आला. तेलंगणा मधल्या जुबिली हिल्स विधानसभा मतदारसंघात हे घडले. Asaduddin Owaisi

जुबिली हिल्स मतदार संघात पोटनिवडणूक झाली. त्यामध्ये सत्ताधारी काँग्रेसने नवीन यादव यांना उमेदवारी दिली. त्यांनी डोक्यावर हिरवी टोपी घालून प्रचार केला. त्यांच्या प्रचारात तेलंगणाचे काँग्रेसचे मुख्यमंत्री रेवंत रेड्डी हे सुद्धा आघाडीवर राहिले. रेवंत रेड्डी यांनी पुढाकार घेऊन AIMIM चे प्रमुख असदुद्दीन ओवैसी यांच्याकडे नवीन यादव यांच्यासाठी पाठिंबा मागितला. ओवैसी यांनी तो पाठिंबा दिला.

त्यानंतर जुबिली हिल्स मध्ये काँग्रेसचे नवीन यादव यांचा मुकाबला भारत राष्ट्र समितीच्या मगंती सुनीता गोपीनाथ यांच्याशी झाला. या निवडणुकीत नवीन यादव 24 हजार पेक्षा जास्त मतांनी निवडून आले. पण त्यानंतर त्यांनी जे केले त्याची चर्चा राज्यभर आणि देशभर झाली.

छत्रपती संभाजी नगरात जाऊन मुख्यमंत्री देवेंद्र फडणवीसांची मराठवाड्यात निवडणूक पूर्व राजकीय पेरणी!!

जुबिली हिल्स मतदार संघात मुस्लिम मतदारांची संख्या लक्षणीय असल्याने नवीन यादव यांनी हिरवी टोपी डोक्यावर घालून प्रचार केला होता. त्याचबरोबर असदुद्दीन ओवैसी यांचाही पाठिंबा त्यांना मिळाला होता. असदुद्दीन ओवैसी यांच्याच पाठिंब्यामुळे आपण निवडून आलो, ते त्यांनी जाहीरपणे सांगितले पण तेवढे जाहीरपणे सांगूनच ते थांबले नाहीत तर असदुद्दीन ओवैसी यांच्या घरी जाऊन त्यांच्या पाया पडून नवीन यादव यांनी ओवैसी यांचे आभार मानले.

ओवेसींच्या पाया पडण्याच्या घटनेची चर्चा सगळ्या देशभरात झाली. काँग्रेसच्या तिकिटावर आणि हाताच्या पंजावर निवडणूक लढवलेले उमेदवार नवीन यादव हे असदुद्दीन ओवैसी यांच्या पाया पडतात, या फोटोने फार मोठी राजकीय कहाणी सांगितली.