वृत्तसंस्था
नवी दिल्ली : प्रदूषणाचे संकट टाळण्यासाठी दिल्ली सरकारने यंदाच्या दिवाळीत राजधानी परिसरात फटाके उडविण्यावर संपूर्ण बंदी घालण्याचा निर्णय घेतला. मुख्यमंत्री अरविंद केजरीवाल यांनी फटाक्यांच्या विक्रीवर आणि साठा करण्यावरही बंदी घालणार असल्याचे सांगितले. Ban on fircrackers in Delhi – Kejariwal
दिल्लीत दरवर्षी दिवाळीत धुराच्या प्रदूषणाने श्वास घेणेही कठीण बनते हा वर्षानुवर्षाचा अनुभव आहे. पंजाब व हरियानातील शेतकरी याच काळात शेतात काडीकचरा (पराली) जाळतात व त्याचा धूर थेट दिल्लीकरांचा श्वास आवळतो. त्यामुळेच केजरीवाल यांनी यंदा फटाकाबंदीचे अस्त्र उगारले आहे. त्यांनी आज सलग ट्विट करून या निर्णयाची माहिती दिली.
लोकांचे जीव वाचविणे महत्त्वाचे असल्याने यंदा फटाक्यांची खरेदी-विक्री, साठवणूक व फटाके फोडणे या सर्वांवर यंदा दिवाळीच संपूर्ण बंदी राहील, असे त्यांनी स्पष्ट केले. केजरीवाल यांनी मागील ३ वर्षांतील घातक प्रदूषण पातळीची उदाहरणेही दिली आहेत. मागील वर्षी दिल्लीत फटाके साठवून ठेवण्यास व्यापाऱ्यांना प्रतिबंध करण्यात आला होता. आता फटाक्यांवर पूर्ण बंदी असेल हेही त्यांनी स्पष्ट केले.
Ban on fircrackers in Delhi – Kejariwal
महत्त्वाच्या बातम्या
- पंतप्रधान नरेंद्र मोदी यांच्या राजवटीतअल्पसंख्यांक शंभर टक्के सुरक्षित, द्वेषाच्या घटना वाढल्याचा आरोप चुकीचा, राष्ट्रीय अल्पसंख्यांक आयोगाचे अध्यक्ष इक्बाल सिंह लालपुरा यांचा निर्वाळा
- महामार्गावरील सुसाट वेगाला आवर, वेग मर्यादा १२० किलोमीटरपर्यंत वाढविण्याच्या केंद्राच्या सूचनेला मद्रास उच्च न्यायालयाची स्थगिती
- भवानीपूरमध्ये सोला अना मशीदीचा आशिर्वाद घेऊन ममता बॅनर्जी यांची प्रचाराला सुरूवात, भाजपने केला घाम फुटल्याचा आरोप
- वीज बिल थकबाकी वसुलीसाठी डाव, सरकारला सावकारी वसुली करायचीय, देवेंद्र फडणवीस यांचा आरोप
