Love Jihad : ‘लव्ह जिहाद’ कायद्याबाबत महाराष्ट्र सरकारच्या पावलाविरोधात आठवलेंची भूमिका

By, Pravin Wankhade - February 17, 2025 08:00:39

0

पंतप्रधान मोदी हे कट्टरपंथी मुस्लिमांच्या विरोधात आहेत, समुदायाच्या विरोधात नाहीत, असंही आठवले म्हणाले आहेत.

विशेष प्रतिनिधी

Love Jihad केंद्रीय मंत्री रामदास आठवले यांनी महाराष्ट्र सरकारच्या “लव्ह जिहाद” रोखण्यासाठी कायदा तयार करण्याच्या निर्णयाला विरोध केला. महाराष्ट्र सरकारने एक शासकीय ठराव जारी केला आहे. ज्यामध्ये म्हटले आहे की पोलिस महासंचालक (डीजीपी) यांच्या अध्यक्षतेखालील एक समिती “लव्ह जिहाद” आणि सक्तीने धर्मांतर करण्याच्या तक्रारींवर कारवाई करण्यासाठी उपाययोजना सुचवेल. ही समिती इतर राज्यांमध्ये बनवलेल्या कायदेशीर बाबी आणि कायद्यांचाही विचार करेल आणि अशा घटना रोखण्यासाठी कायदे करण्याची शिफारस करेल.Love Jihad

महाराष्ट्रात love jihad विरोधात कायदा का??; फडणवीसांनी सांगितले दाहक वास्तव आणि कायद्याची गरज!!

तर केंद्रीयमंत्री रामदास आठवले यांनी मीडियाशी बोलताना सांगितले की, “आंतरधार्मिक विवाहाला लव्ह जिहाद म्हणणे चुकीचे आहे. धर्मांतर थांबवण्यासाठी तरतुदी असाव्यात. सामाजिक आणि धार्मिक सलोखा बिघडू नये यासाठी पावले उचलली पाहिजेत.

याचबरोबर आठवले म्हणाले, “पंतप्रधान नरेंद्र मोदी सर्वांना समानतेने वागवतात आणि सर्वांसाठी कल्याणकारी उपाययोजना सुरू केल्या आहेत. मुस्लिमांनाही याचा फायदा झाला आहे. पंतप्रधान मोदी हे कट्टरपंथी मुस्लिमांच्या विरोधात आहेत, समुदायाच्या विरोधात नाहीत.”

तत्पूर्वी, नागपूरमध्ये पत्रकारांशी बोलताना मुख्यमंत्री देवेंद्र फडणवीस म्हणाले होते की, आंतरधर्मीय विवाहात काहीही चूक नाही, परंतु फसवणूक करून आणि ओळख लपवून लग्न करणाऱ्यांवर कारवाई करणे आवश्यक आहे.