Ashwini Vaishnaw : रेल्वेत प्रवशांना दिल्या जाणाऱ्या खाद्यपदार्थांचे दर, मेन्यू दाखवणे बंधनकारक

By, Pravin Wankhade - March 13, 2025 07:30:03

0

केंद्रीय रेल्वेमंत्री अश्विनी वैष्णव यांनी लोकसभेत दिली माहिती

विशेष प्रतिनिधी

नवी दिल्ली : Ashwini Vaishnaw रेल्वे मंत्री अश्विनी वैष्णव यांनी बुधवारी लोकसभेत सांगितले की, रेल्वेमध्ये प्रवाशांना दिल्या जाणाऱ्या खाद्यपदार्थांचा मेन्यू आणि किंमत यादी प्रदर्शित करणे बंधनकारक आहे.Ashwini Vaishnaw

प्रवाशांच्या माहितीसाठी सर्व खाद्यपदार्थांचे मेन्यू आणि दर आयआरसीटीसीच्या वेबसाइटवर उपलब्ध आहेत, असे त्यांनी लेखी उत्तरात सांगितले. सर्व तपशीलांसह छापील मेन्यू कार्ड वेटरकडे उपलब्ध करून दिले जातात आणि प्रवाशांना मागणीनुसार दिले जातात.

Maharashtra महाराष्ट्र हे थेट परकीय गुंतवणुकीसाठी सर्वाधिक पसंतीचे ठिकाण!

त्यांनी सांगितले की, पॅन्ट्री कारमध्येही दर यादी लावण्यात आली आहे. शिवाय, भारतीय रेल्वेमधील खानपान सेवांच्या मेन्यू आणि शुल्कांबद्दल प्रवाशांना जागरूक करण्यासाठी, मेन्यू आणि शुल्काची लिंक प्रवाशांना एसएमएसद्वारे पाठवण्यास सुरुवात करण्यात आली आहे.

दुसऱ्या प्रश्नाच्या उत्तरात अश्विनी वैष्णव म्हणाले की, बिलासपूर-मनाली-लेह नवीन रेल्वे मार्गासाठी १,३१,००० कोटी रुपये खर्च अपेक्षित आहे, ज्यामुळे कारगिलला कनेक्टिव्हिटी मिळेल. बिलासपूर-मनाली-लेह मार्गाचा सविस्तर प्रकल्प अहवाल तयार करण्यात आला आहे.