अशोकचक्र : दहशतवाद्यांचे कर्दनकाळ शहीद एएसआय बाबूराम मरणोत्तर अशोकचक्राने सन्मानित, काश्मीर खोऱ्यात, वाचा भारतमातेच्या सुपुत्राची प्रेरणादायी कहाणी । Ashoka Chakra Martyr ASI Baburam posthumously honored by Ashoka Chakra in the Kashmir Valley, read the inspiring story of Mother India's son

अशोकचक्र : दहशतवाद्यांचे कर्दनकाळ शहीद एएसआय बाबूराम मरणोत्तर अशोकचक्राने सन्मानित, काश्मीर खोऱ्यात, वाचा भारतमातेच्या सुपुत्राची प्रेरणादायी कहाणी

प्रजासत्ताक दिनानिमित्त जम्मू-काश्मीर पोलिसांचे ASI बाबू राम यांना मरणोत्तर अशोक चक्र प्रदान करण्यात आले. राष्ट्रपतींच्या हस्ते त्यांच्या पत्नी आणि मुलाला हा पुरस्कार प्रदान करण्यात आला. शौर्य पुरस्कार मिळालेल्या शूरवीरांपैकी हा जम्मू-काश्मीरच्या वीर खोऱ्यातील दहशतवाद्यांचा कर्दनकाळ होता. 14 चकमकीत 28 दहशतवाद्यांचा खात्मा करण्यात त्यांनी महत्त्वाची भूमिका बजावली होती, यावरून त्यांच्या साहसाचा अंदाज लावू शकता. Ashoka Chakra Martyr ASI Baburam posthumously honored by Ashoka Chakra in the Kashmir Valley, read the inspiring story of Mother India’s son

विशेष प्रतिनिधी

नवी दिल्ली : प्रजासत्ताक दिनानिमित्त जम्मू-काश्मीर पोलिसांचे ASI बाबू राम यांना मरणोत्तर अशोक चक्र प्रदान करण्यात आले. राष्ट्रपतींच्या हस्ते त्यांच्या पत्नी आणि मुलाला हा पुरस्कार प्रदान करण्यात आला. शौर्य पुरस्कार मिळालेल्या शूरवीरांपैकी हा जम्मू-काश्मीरच्या वीर खोऱ्यातील दहशतवाद्यांचा कर्दनकाळ होता. 14 चकमकीत 28 दहशतवाद्यांचा खात्मा करण्यात त्यांनी महत्त्वाची भूमिका बजावली होती, यावरून त्यांच्या साहसाचा अंदाज लावू शकता. SOGमध्ये तैनात बाबू राम 29 ऑगस्ट 2020 रोजी त्यांच्या शेवटच्या ऑपरेशनमध्ये तीन दहशतवाद्यांचा खात्मा करून शहीद झाले. नऊ तास त्यांची झुंज सुरू होती.

1972 मध्ये जम्मू विभागातील पूंछ जिल्ह्यातील घरना येथे जन्मलेल्या बाबूराम यांचे शालेय शिक्षण पूर्ण झाल्यानंतर 1999 मध्ये कॉन्स्टेबल पदावर दाखल झाले. जम्मू-काश्मीर पोलिसांच्या एसओजीमध्ये ते बराच काळ कार्यरत होते. एका पोलीस अधिकाऱ्याने सांगितले की, ऑगस्ट 2020 रोजी रात्री उशिरा दुचाकीवरून आलेल्या दहशतवाद्यांनी श्रीनगरच्या बाहेरील पंथा चौकात 61 बटालियन CRPF आणि पोलिसांच्या संयुक्त दलावर गोळीबार केला.

महाराष्ट्राचे 10 पुरस्कारांसह दुसरे स्थान पद्मविभूषण, पद्मभूषण आणि पद्मश्री

त्यानंतर दहशतवादी घटनास्थळावरून पळून गेले. घटनेनंतर लगेचच संपूर्ण परिसराची नाकेबंदी करून शोधमोहीम हाती घेण्यात आली. यादरम्यान एका घरात लपलेल्या दहशतवाद्यांनी गोळीबार सुरू केला. प्रत्युत्तरात एक दहशतवादी मारला गेला. दोन ते तीन दहशतवाद्यांसाठी शोध मोहीम राबवण्यात आली.

एका दहशतवाद्याला ठार केल्यानंतर उर्वरित दोन दहशतवादी एका घरात घुसले. लोकांना ओलीस ठेवून त्यांनी सुरक्षा दलांवर जोरदार गोळीबार सुरू केला. दरम्यान, एएसआय बाबू राम आपल्या टीमसह दहशतवादी लपून बसलेल्या घरात घुसले.

आधी त्यांनी घरात अडकलेल्या लोकांना बाहेर काढले. यानंतर दहशतवाद्यांनी गोळीबार केला. यामध्ये दोन्ही दहशतवादीही मारले गेले. दरम्यान, गोळी लागल्याने कारवाईत एएसआय बाबू राम हेही गंभीर जखमी झाले. यातच ते शहीद झाले. लष्कर-ए-तैयबाचा प्रमुख साकिब बशीर, उमर तारिक आणि जुबेर अहमद शेख अशी ठार झालेल्या दहशतवाद्यांची नावे आहेत.