भाजपमधून आलेल्या शत्रुघ्न सिन्हा, बाबुल सुप्रियोंना ममतांच्या तृणमूलची पोटनिवडणुकीत उमेदवाराची बक्षिसी!! Asansol Byelection shatrugh sinha babul supriyo

Asansol Byelection : भाजपमधून आलेल्या शत्रुघ्न सिन्हा, बाबुल सुप्रियोंना ममतांच्या तृणमूलची पोटनिवडणुकीत उमेदवाराची बक्षिसी!!

वृत्तसंस्था

कोलकाता : पश्चिम बंगालमध्ये जाहीर झालेल्या लोकसभा आणि विधानसभा पोटनिवडणुकीत मुख्यमंत्री ममता बॅनर्जी यांनी भाजपमधून आलेले नेते शत्रुघ्न सिन्हा आणि बाबुल सुप्रियो यांना तृणमूल काँग्रेसची उमेदवारी जाहीर केली आहे. Asansol Byelection shatrugh sinha babul supriyo

शत्रुघ्न सिन्हा यांना असनसोल लोकसभेची उमेदवारी, तर बाबुल सुप्रियो यांना बालीगंज विधानसभा पोटनिवडणुकीची उमेदवारी ममता बॅनर्जी यांनी जाहीर केली आहे. ममतांनी आपल्या ट्विटर हँडलवर या दोघांची उमेदवारी जाहीर केली आहे.

Happy to announce on behalf of the All India Trinamool Congress that Sri Shatrughan Sinha, former Union Minister and famed actor, will be our candidate in Loksabha by-election from Asansol. (1/2)

— Mamata Banerjee (@MamataOfficial) March 13, 2022

बाबुल सुप्रियो हे 2014 आणि 2019 या दोन्ही लोकसभा निवडणुकांमध्ये भाजपच्या तिकिटावरुन असनसोल मधून खासदार झाले होते. 2019 च्या विधानसभा निवडणुकीत त्यांनी केंद्रीय मंत्री पदाचा आणि खासदारकीचा राजीनामा देऊन तृणमूल काँग्रेस मध्ये प्रवेश केला होता.

ममता बॅनर्जी यांनी बाबुल सुप्रियो यांना पुन्हा लोकसभेत पाठवण्याऐवजी बालीगंज विधानसभा मतदारसंघातून पोटनिवडणुकीची उमेदवारी दिली आहे, तर बिहारी बाबू शत्रुघ्न सिन्हा यांना बाबुल सुप्रियो यांच्या असनसोल लोकसभा मतदार संघातल्या पोटनिवडणुकीची उमेदवारी जाहीर केली आहे. एक प्रकारे ममता बॅनर्जी यांनी भाजपमधून आयात केलेल्या उमेदवारांना नेत्यांना उमेदवारी देऊन भाजप मधल्या संभाव्य बंडखोरांना खुणावले आहे.