अमित पालेकर गोव्यात आम आदमी पार्टीचे मुख्यमंत्री पदाचे उमेदवार

By, Vishal Joshi - January 19, 2022 01:15:55

0

वृत्तसंस्था

पणजी : भंडारी समाजातील वरिष्ठ वकील अमित पालेकर हे गोव्यात आम आदमी पार्टीचे मुख्यमंत्री पदाचे उमेदवार असणार आहेत. दिल्लीचे मुख्यमंत्री आणि आम आदमी पार्टीचे प्रमुख अरविंद केजरीवाल यांनी पणजी मध्ये पत्रकार परिषदेत ही घोषणा केली. Amit Palekar Aam Aadmi Party’s Chief Ministerial candidate in Goa

Amit Palekar is an advocate by profession and comes from the Bhandari community, Delhi CM & Aam Aadmi Party's national convenor Arvind Kejriwal said.

— ANI (@ANI) January 19, 2022

आम आदमी पार्टी पंजाब आणि गोव्यामध्ये मुख्यमंत्री पदाचे उमेदवार जाहीर करून प्रथमच विधानसभा निवडणुकीच्या मैदानात उतरली आहे. बाकी कोणत्याही पक्षांनी दोन्ही राज्यांमध्ये मुख्यमंत्री पदाचे उमेदवार जाहीर केलेले नाहीत.

Goa Election : पर्रीकरांच्या मुलाच्या तिकिटाचा मुद्दा चर्चेत, उत्पल पर्रीकरांच्या पणजीत घरोघरी भेटी सुरू, अपक्ष लढणार की आप-शिवसेनेत जाणार?

अमित पालेकर हे गोव्यातील भंडारी समाजातुन येत असून ते वरिष्ठ वकील आहेत. आम आदमी पार्टीत गेली सात वर्षे ते काम करत आहेत. गोव्यात आम आदमी पार्टीचे संघटन मजबूत करण्यासाठी त्यांनी काम केले आहे. आता त्यांच्या नेतृत्वाखाली आदमी पार्टी गोव्यात विधानसभेची निवडणूक लढवणार आहे. याआधी पंजाब मध्ये संगरूरचे खासदार भगवंत मान यांची मुख्यमंत्रीपदाचे उमेदवार अरविंद केजरीवाल यांनी परवाच घोषणा केली आहे. या पाठोपाठ अमित पालेकर यांची गोव्याच्या मुख्यमंत्रीपदाचे उमेदवार म्हणून घोषणा करून आम आदमी पार्टीने नेतृत्वाची दुसरी फळी यानिमित्ताने पुढे आणली आहे.

Amit Palekar will be AAP's chief ministerial candidate for the Goa Assembly polls pic.twitter.com/irvTdpLTeg

— ANI (@ANI) January 19, 2022

दिल्लीत मनीष सिसोदिया हे अरविंद केजरीवाल यांच्या पाठोपाठ आम आदमी पार्टीचे मोठे नेते आहेत. आता भगवंत मान आणि अमित पालेकर हे आम आदमी पार्टीचे मुख्यमंत्री पदाचे उमेदवार झाल्यानंतर त्यांचेही पक्षात निर्णायक पातळीवर महत्त्व वाढणार आहे. या निमित्ताने संघटनात्मक पातळीवर नेतृत्वाच्या विविध स्तरावरच्या फळ्या तयार करण्याचे काम अरविंद केजरीवाल करताना दिसत आहेत.