Amarpreet Singh : एअर मार्शल अमरप्रीत सिंग हवाई दलाचे नवे प्रमुख; विवेक राम चौधरी यांच्या जागी 30 सप्टेंबरपासून घेणार पदभार

वृत्तसंस्था

नवी दिल्ली : एअर मार्शल अमरप्रीत सिंग ( Amarpreet Singh ) हे भारतीय हवाई दलाचे नवे प्रमुख असतील. ते 30 सप्टेंबर रोजी पदभार स्वीकारतील. अमरप्रीत सिंग हे एअर मार्शल विवेक राम चौधरी यांची जागा घेतील, जे 30 सप्टेंबर रोजी निवृत्त होत आहेत.

अमरप्रीत सिंग आतापर्यंत हवाई दलाचे उपप्रमुख पदावर होते. त्यांना रोटरी विंग एअरक्राफ्टवर ५ हजार तासांहून अधिक उड्डाणाचा अनुभव आहे. उपप्रमुख होण्यापूर्वी त्यांनी ऑपरेशनल फायटर स्क्वॉड्रन्स आणि फ्रंटलाइन एअर बेस्सचे नेतृत्वही केले आहे.

Maratha : पुण्यातील मराठा आंदोलक मुंबईत दाखल; मंत्रालयाला घेराव घालण्याचा दिला इशारा, पोलिसांचा मोठा फौजफाटा तैनात

40 वर्षे हवाई दलात पोस्ट एअर मार्शल अमरप्रीत सिंग यांचा जन्म 27 ऑक्टोबर 1964 रोजी झाला. अमर प्रीत सिंग हे 21 डिसेंबर 1984 रोजी एअर फोर्स अकादमी डुंडीगल येथून भारतीय हवाई दलात नियुक्त झाले होते. ते 40 वर्षांपासून हवाई दलात सेवा करत आहेत. एअर मार्शल अमर प्रीत सिंग यांनी नॅशनल डिफेन्स अकादमी खडकवासला आणि एअर फोर्स अकादमी डुंडीगल येथून प्रशिक्षण घेतले आहे.

अमरप्रीत सिंग हे डिफेन्स सर्व्हिसेस स्टाफ कॉलेज, वेलिंग्टनचे माजी विद्यार्थीही आहेत. याशिवाय त्यांनी नॅशनल डिफेन्स कॉलेज, नवी दिल्ली येथून प्रशिक्षणही घेतले आहे. नुकतेच त्यांनी वयाच्या ५९ व्या वर्षी तेजस उड्डाण केले.