एअर इंडियाचे उड्डाण सुरक्षा प्रमुख निलंबित; DGCAला अंतर्गत ऑडिट आणि अपघात प्रतिबंधक कार्यात आढळली त्रुटी|Air India's flight safety chief suspended; DGCA found lapses in internal audit and accident prevention

एअर इंडियाचे उड्डाण सुरक्षा प्रमुख निलंबित; DGCAला अंतर्गत ऑडिट आणि अपघात प्रतिबंधक कार्यात आढळली त्रुटी

वृत्तसंस्था

नवी दिल्ली : नागरी विमान वाहतूक महासंचालनालयाने (DGCA) गुरुवारी एअर इंडियाचे उड्डाण सुरक्षा प्रमुख राजीव गुप्ता यांना एका महिन्यासाठी निलंबित केले. DGCA ने 25 आणि 26 जुलै रोजी एअर इंडियाचे अंतर्गत ऑडिट, अपघात प्रतिबंधक कार्य आणि तांत्रिक कर्मचार्‍यांची उपस्थिती तपासली होती.Air India’s flight safety chief suspended; DGCA found lapses in internal audit and accident prevention

तपासात एअर इंडियाच्या अपघात रोखण्याच्या कामात त्रुटी आढळून आल्या. याशिवाय एअर इंडियाकडे आवश्यक तांत्रिक कर्मचारीही नव्हते. या त्रुटींमुळे डीजीसीएने एअर इंडियावर कारवाई केली. DGCA ही विमान वाहतूक उद्योगाची देखरेख करणारी संस्था आहे.

Russia- Ukraine War: ऑपरेशन गंगाअंतर्गत एअर इंडियाचे दुसरे विमान दिल्लीला पोहोचले, 250 भारतीय मायदेशी परतले

डीजीसीएने प्रशिक्षण केंद्राची मान्यता स्थगित केली होती

डीजीसीएने यापूर्वीच एअर इंडियावर कारवाई केली आहे. गेल्या महिन्यात, DGCA ने मुंबई आणि हैदराबाद येथील एअर इंडियाच्या प्रशिक्षण केंद्रांची ATO मान्यता 10 दिवसांसाठी स्थगित केली होती. तेव्हा डीजीसीएला सिम्युलेटर ट्रेनिंगमध्ये काही उणिवा आढळल्या होत्या.

यानंतर डीजीसीएला कळले की एअर इंडियाने केलेल्या अंतर्गत तपासण्या/स्पॉट तपासण्या निष्काळजीपणे केल्या होत्या आणि त्या नियमानुसार नाहीत.

चूक करणाऱ्या लेखापरीक्षकाला काम देऊ नये

डीजीसीएने सांगितले की, एअरलाइनने सादर केलेल्या कारवाईच्या अहवालाचा आढावा घेतल्यानंतर संबंधित अधिकाऱ्यांना कारणे दाखवा नोटीस पाठवण्यात आली आहे. त्यांच्या प्रतिसादाच्या आधारे, DGCA ने एअर इंडियाला लेखापरीक्षण/स्पॉट चेकचे काम चुकणाऱ्या ऑडिटरला देऊ नये असे निर्देश दिले.