'या' राज्यात संपूर्ण पोलीस स्टेशन भाड्याने उपलब्ध, इन्स्पेक्टरपासून प्रशिक्षितत डॉगपर्यंत सर्वकाही मिळेल A complete police station available on rental in Kerala from inspectors to police dogs

‘या’ राज्यात संपूर्ण पोलीस स्टेशन भाड्याने उपलब्ध, इन्स्पेक्टरपासून प्रशिक्षितत डॉगपर्यंत सर्वकाही मिळेल

जाणून घ्या यासाठी तुम्हाला फक्त किती खर्च करावा लागेल.?

विशेष प्रतिनिधी

तिरुअनंतपुरम : पोलीस ठाण्यात गेल्यावरही अनेकांना घाम फुटतो. पण एक दिवसासाठी त्याच पोलीस ठाण्याचे मालक झाल्यावर काय होईल? होय, अशीच एक बातमी केरळमधून समोर येत आहे. जिथे तुम्ही फक्त 34 हजार रुपये देऊन एका दिवसासाठी तुमचा पहारा ठेवण्यासाठी पोलीस निरीक्षक ठेवू शकता. एवढेच नाही तर या रुपयांमध्ये तुम्हाला पहारा देण्यासाठी प्रशिक्षित पोलीस कुत्राही मिळेल. या पैशात तुम्हाला पोलिसांची वायरलेस उपकरणेही मिळतील. A complete police station available on rental in Kerala from inspectors to police dogs

टाईम्स ऑफ इंडियाच्या अहवालानुसार, येथे प्रशिक्षित पोलीस कुत्रे, पोलिस कर्मचारी आणि अगदी संपूर्ण पोलीस स्टेशनला कामावर ठेवता येईल. केरळमधील आर्थिक संकटावर मात करण्यासाठी ही योजना नवीन नाही. वास्तविक ही जुनी योजना आहे, ज्यामध्ये नवीन दर जोडण्यात आले आहेत. यानंतर हा प्रकार समोर आला असून, त्यावर बरीच टीका होत आहे.

रिपोर्टनुसार , सरकारी आदेशातील ‘रेट कार्ड’ दर्शविते की सर्कल इन्स्पेक्टर रँक ऑफिसरची नियुक्ती करण्यासाठी तुम्हाला दररोज 3,035 ते 3,340 रुपयांपर्यंत खर्च येईल. तुम्हाला अधिक परवडणारा पर्याय हवा असल्यास, सिव्हिल पोलिस अधिकारी निवडा ज्याच्या सेवाेची किंमत दिवसाकाठी 610 रुपये आहे. प्रशिक्षित पोलीस डॉग 7 हजार 280 रुपये दराने उपलब्ध होईल आणि वायरलेस उपकरणे 12 हजार 130 रुपये दराने भाड्याने दिली जातात. तर पोलीस स्टेशन 12 हजार रुपयांना भाड्याने मिळू शकते.