समाजवादी पार्टीचे एक मत झाले कमी, कारण… A big blow to the I.N.D.I.A alliance ahead of the Lok Sabha Speaker election the Samajwadi Party lost one vote
विशेष प्रतिनिधी
नवी दिल्ली : भारतीय जनता पक्षाच्या नेतृत्वाखालील राष्ट्रीय लोकशाही आघाडी आणि इंडियन नॅशनल डेव्हलपिंग इनक्लुझिव्ह अलायन्स म्हणजेच इंडिया अलायन्सने लोकसभेच्या अध्यक्षपदाच्या निवडणुकीसाठी आपले उमेदवार उभे केले आहेत. एनडीएचे भाजप खासदार ओम बिर्ला आणि इंडिया आघाडीकडून काँग्रेसचे खासदार के. सुरेश हे उमेदवार आहेत. या निवडणुकीच्या माध्यमातून किती खासदार कोणासोबत आहेत, याचाही निर्णय होणार आहे.
मात्र, मतदानापूर्वीच अखिलेश यादव यांना मोठा झटका बसला आहे. उत्तर प्रदेशात त्यांचे 37 खासदार विजयी झाले असले तरी केवळ 36 खासदारांनीच शपथ घेतली आहे. गाझीपूरचे सपा खासदार अफजल अन्सारी यांनी मंगळवारी शपथ घेतली नाही. हे करण्यामागे सर्वोच्च न्यायालयाच्या आदेशाचा हवाला देण्यात आला. आता अफजल अन्सारी यांनी त्याविरोधात कायदेशीर कारवाईचा मार्ग पत्करण्याचा निर्णय घेतला आहे.
आता स्पीकर निवडणुकीत सपाकडे केवळ 36 खासदार उरले आहेत, जे इंडिया आघाडीचे उमेदवार के. सुरेशला मतदान करणार आहेत. बुधवारपासून लोकसभेचे कामकाज सुरू होईल तेव्हा ज्या नवनिर्वाचित खासदारांनी अद्याप संसद सदस्यत्वाची शपथ घेतली नाही, त्यांची नावे आधी मागवली जातील, असे सांगण्यात येत आहे.
मात्र, अफझल शपथ घेणार की नाही हे अद्याप स्पष्ट झालेले नाही. जोपर्यंत अफझल शपथ घेत नाही तोपर्यंत त्यांना सभागृहाच्या कामकाजात भाग घेता येणार नाही किंवा मतदानही करता येणार नाही. सर्वोच्च न्यायालयानेही त्यांच्या शिक्षेला स्थगिती देताना तीच अट ठेवली होती.
