paracetamol : पॅरासिटामॉलसह 53 औषधे क्वालिटी टेस्टमध्ये फेल, जीवनसत्त्वे, शुगर आणि रक्तदाबासह काही प्रतिजैविकांचाही समावेश

By, Pravin Wankhade - September 26, 2024 12:00:55

0

वृत्तसंस्था

नवी दिल्ली : पॅरासिटामॉलसह ( paracetamol ) 53 औषधे क्वालिटी टेस्टमध्ये फेल झाली आहेत. जीवनसत्त्वे, शुगर आणि रक्तदाबाच्या औषधांशिवाय प्रतिजैविकांचाही समावेश आहे. देशातील सर्वात मोठी औषध नियामक संस्था सेंट्रल ड्रग्ज स्टँडर्ड कंट्रोल ऑर्गनायझेशन (CSDSO) ने त्यांची यादी प्रसिद्ध केली आहे.

CSDSO च्या यादीत व्हिटॅमिन C आणि D3 टॅब्लेट शेल्कल, व्हिटॅमिन बी कॉम्प्लेक्स आणि व्हिटॅमिन सी सॉफ्टजेल, अँटिआसिड पॅन-डी, पॅरासिटामोल गोळ्या IP 500MG, मधुमेहावरील औषध ग्लिमेपिराइड आणि उच्च रक्तदाब औषध टेलमिसार्टन देखील क्वालिटी टेस्टमध्ये फेल झाले.

Narendra Modi : ‘हरियाणाचे हे प्रेम माझ्या आयुष्यातील मोठा ठेवा आहे’

बंदी असलेल्या औषधांच्या यादीमध्ये क्लोनाझेपम टॅबलेट, वेदनाशामक डायक्लोफेनाक, श्वसन रोगांसाठी वापरल्या जाणाऱ्या अँब्रोक्सोल, फंगलविरोधी फ्लुकोनाझोल आणि काही मल्टीविटामिन आणि कॅल्शियम गोळ्यांचा समावेश आहे.

ही औषधे हेटेरो ड्रग्स, अल्केम लेबोरेट्रीज, हिंदुस्तान एंटीबायोटिक्स लिमिटेड (HAL), कर्नाटक अँटिबायोटिक्स अँड फार्मास्युटिकल्स लिमिटेड यांसारख्या बड्या कंपन्या बनवतात.

CSDSO ने 53 औषधांची यादी जाहीर केली पोटाच्या संसर्गासाठी दिले जाणारे मेट्रोनिडाझोल हे औषध हिंदुस्थान अँटिबायोटिक्स लिमिटेडने तयार केले आहे, तेही या चाचणीत अपयशी ठरले आहे. त्याचप्रमाणे टोरेंट फार्मास्युटिकल्सच्या शेलकल गोळ्याही चाचणीत अपयशी झाल्या.

CSDSO ने चाचणीत अयशस्वी झालेल्या 53 औषधांची यादी प्रसिद्ध केली आहे. त्यापैकी 5 औषधे बनावट होती. म्हणजेच औषध उत्पादक कंपन्यांनी सांगितले की ही त्यांची औषधे नसून त्यांच्या नावाने बनावट औषधे बाजारात विकली जात आहेत.

ऑगस्टमध्ये 156 फिक्स्ड डोस कॉम्बिनेशन औषधांवर बंदी घालण्यात आली

केंद्र सरकारने या वर्षी ऑगस्टमध्ये 156 फिक्स्ड डोस कॉम्बिनेशन (FDC) औषधांवर बंदी घातली आहे. ताप आणि सर्दी व्यतिरिक्त, हे सामान्यतः वेदनाशामक, मल्टी-व्हिटॅमिन आणि प्रतिजैविक म्हणून वापरले जात होते.

त्यांच्या वापरामुळे मानवाला धोका निर्माण होण्याची शक्यता असल्याचे सरकारने म्हटले आहे. त्यामुळे देशभरात या औषधांचे उत्पादन, सेवन आणि वितरण यावर बंदी घालण्यात येणार आहे.

औषध तांत्रिक सल्लागार मंडळाच्या शिफारशींवरून सरकारने हा आदेश जारी केला आहे. बोर्डाने आपल्या अहवालात म्हटले आहे की या FDC औषधांमध्ये असलेल्या घटकांचे कोणतेही वैद्यकीय औचित्य नाही.

एकाच गोळीमध्ये एकापेक्षा जास्त औषधांचे मिश्रण करून तयार केलेल्या औषधांना फिक्स्ड डोस कॉम्बिनेशन ड्रग्स (FDC) म्हणतात, या औषधांना कॉकटेल ड्रग्स असेही म्हणतात.