बॉम्बच्या धमकीमुळे दिल्ली आणि नोएडाच्या 11 शाळांमध्ये भीतीचे वातावरण 11 schools in Delhi and Noida panic due to bomb threat

बॉम्बच्या धमकीमुळे दिल्ली आणि नोएडाच्या 11 शाळांमध्ये भीतीचे वातावरण

बुधवारी सकाळी सर्व शाळांना बॉम्बची धमकी देणारा ईमेल प्राप्त झाला.

विशेष प्रतिनिधी

नवी दिल्ली : राजधानी दिल्ली आणि नोएडातील अनेक शाळांमध्ये बॉम्ब असल्याची बातमी मिळाल्यानंतर खळबळ उडाली. बुधवारी सकाळी सर्व शाळांना बॉम्बची धमकी देणारा ईमेल प्राप्त झाला. या शाळांमध्ये दिल्ली आणि नोएडाच्या डीपीएसचा समावेश आहे. द्वारका येथील दिल्ली पब्लिक स्कूलमध्ये बॉम्ब ठेवल्याची पहिली बातमी आली. याची माहिती मिळताच परिसरात एकच खळबळ उडाली. 11 schools in Delhi and Noida panic due to bomb threat

शाळेत बॉम्ब असल्याची माहिती मिळाल्यानंतर बॉम्ब निकामी पथक, दिल्ली पोलिसांचे कर्मचारी आणि अग्निशमन दलाच्या अनेक गाड्या घटनास्थळी दाखल झाल्या आहेत. त्यानंतर शाळेचा संपूर्ण परिसर रिकामा करण्यात आला आहे.

यानंतर राजधानीच्या मयूर विहारमध्ये असलेल्या मदर मेरी स्कूल आणि नवी दिल्लीतील संस्कृती स्कूलमध्येही बॉम्ब असल्याची माहिती मिळाली होती. द्वारकाची डीपीएस ही हायप्रोफाइल शाळांपैकी एक आहे. या शाळेने सकाळी 6 वाजता अग्निशमन विभागाला माहिती दिली, त्यानंतर दिल्ली पोलिस, बॉम्ब निकामी पथक आणि अग्निशमन दल घटनास्थळी पोहोचले.