Rahul Gandhi, : राहुल गांधींना 1.40 कोटी, ओवैसींना 52 लाख, महुआ मोईत्रांना 75 लाख… लोकसभा निवडणूक लढण्यासाठी कोणत्या नेत्यांना किती मिळाली रक्कम?

By, Pravin Wankhade - August 30, 2024 05:00:33

0

विशेष प्रतिनिधी

नवी दिल्ली : पश्चिम बंगालमधील ( West Bengal ) सत्ताधारी पक्ष तृणमूल काँग्रेसने (टीएमसी) नुकत्याच झालेल्या लोकसभा निवडणुकीत प्रचंड पैसा खर्च केला आहे. केवळ टीएमसीच नाही तर आम आदमी पार्टी, काँग्रेस आणि एआयएमआयएम यांनीही उमेदवारांवर प्रचंड खर्च केला आहे.

टीएमसीने 7 जून रोजी निवडणूक आयोगाला सादर केलेल्या खर्चाच्या तपशिलानुसार, पक्षाने निवडणूक लढवण्यासाठी 3.60 कोटी रुपये खर्च केले आहेत. पक्षाने निवडणूक लढवण्यासाठी अभिषेक बॅनर्जी, महुआ मोईत्रा आणि शत्रुघ्न सिन्हा यांच्यासह 48 उमेदवारांना प्रत्येकी 75 लाख रुपये दिले होते.

टीएमसीने पश्चिम बंगालमधून बहुतांश उमेदवार उभे केले होते. पक्षाच्या काही उमेदवारांनी आसाम आणि मेघालयमधून निवडणूक लढवली. तृणमूलने बंगालमधील सर्व 42 लोकसभेच्या जागा लढवल्या होत्या तर 29 जागा जिंकल्या होत्या.

Jamaat-e-Islami : बांगलादेशात जमात-ए-इस्लामीवरील बंदी हटली; हसीना सरकारचा निर्णय उलटवला

लोकसभा निवडणुकीत आम आदमी पक्षाने आपल्या तीन उमेदवारांच्या निवडीवर 60 लाख रुपयांहून अधिक खर्च केला होता. आम आदमी पक्षाच्या या उमेदवारांपैकी दोघांनी दिल्लीतून तर एका उमेदवाराने गुजरातमधून निवडणूक लढवली. गुजरातमधील भरूच येथील चैतराभाई वसावा यांना निवडणूक लढवण्यासाठी पक्षाने जवळपास निम्मी रक्कम 60 लाख रुपये दिली होती.

ऑल इंडिया मजलिस-ए-इत्तेहादुल-उल-मुस्लिमीन (AIMIM) ने पक्षाचे अध्यक्ष असदुद्दीन ओवेसी यांना निवडणूक लढवण्यासाठी दोन हप्त्यांमध्ये एकूण 52 लाख रुपये दिले होते. निवडणूक प्रचारावर उमेदवाराच्या खर्चावर मर्यादा असली तरी राजकीय पक्षांसाठी अशी मर्यादा नाही.

वायनाड आणि रायबरेलीमधून निवडणूक लढवण्यासाठी राहुल गांधींना प्रत्येकी 70 लाख रुपये दिल्याचं काँग्रेसनं निवडणूक आयोगाला सांगितलं आहे. या दोन्ही जागांवर राहुल गांधी विजयी झाले होते. तथापि, रायबरेलीची जागा कायम ठेवत त्यांनी शेवटी वायनाडची जागा सोडली. लोकसभा निवडणुकीत पक्षाने 99 जागा जिंकल्या होत्या, त्यापैकी राहुल यांनी दोन जागा जिंकल्या होत्या.

जानेवारी 2022 मध्ये निवडणूक आयोगाच्या सूचनेनुसार सरकारने उमेदवारांसाठीचा निवडणूक खर्च 75 लाख रुपयांवरून 95 लाख रुपयांपर्यंत वाढवला, तर विधानसभा निवडणूक लढवण्यासाठीचा खर्च 28 लाखांवरून 40 लाख रुपयांपर्यंत वाढवला.

लोकसभा निवडणुकीसाठी खर्च होणारी रक्कम आता मोठ्या राज्यांमध्ये 90 लाख रुपये करण्यात आली आहे, तर छोट्या राज्यांमध्ये ती 75 लाख रुपये आहे. 2024च्या लोकसभा निवडणुका सात टप्प्यांत पार पडल्या होत्या आणि 4 जून रोजी निकाल जाहीर होतील.