महाराष्ट्रात रेशन दुकानांमध्ये आता मिळणार भाजीपाला - फळे; मुंबई, ठाणे, पुण्यात पहिले प्रयोग!!|Vegetables and fruits will now be available in ration shops in Maharashtra; First experiment in Mumbai, Thane, Pune

महाराष्ट्रात रेशन दुकानांमध्ये आता मिळणार भाजीपाला – फळे; मुंबई, ठाणे, पुण्यात पहिले प्रयोग!!

प्रतिनिधी

मुंबई : महाराष्ट्रातील शिधावाटप दुकानांमधून भाजीपाला व फळांची विक्री करण्यास परवानगी दिली जाणार आहे. त्याची सुरुवात मुंबई, ठाणे व पुणे जिल्ह्यांतून करण्यात येणार आहे. राज्यातील रास्तभाव रेशन दुकाने आर्थिकदृष्ट्या सक्षम करण्यासाठी राज्य शासनाने हा निर्णय घेतला आहे.Vegetables and fruits will now be available in ration shops in Maharashtra; First experiment in Mumbai, Thane, Pune

कोंबिंग ऑपरेशनद्वारे सराईतांची झाडाझडती ७१४ गुन्हेगार आढळले, १२ कोयते, तलवारी, चाकू जप्त

फळे भाजीपाला विकण्यास परवानगी

राज्यात 50 हजारांहून अधिक रास्तभाव दुकाने आहेत. केवळ अन्नधान्यांच्या विक्रीवर अवलंबून असणा-या या दुकानदारांचे उत्पन्न वाढावे, यासाठी विविध वस्तू, उत्पादने विक्रीस परवानगी देण्यात आली आहे. त्याच पद्धतीने आता नोंदणीकृत शेतकरी उत्पादन कंपनीस सार्वजनिक वितरण व्यवस्थेमार्फत रास्तभाव दुकानांमधून शेतक-यांनी उत्पादित केलेला भाजीपाला व फळे विक्रीसाठी परवानगी देण्याचे सरकारने ठरवले आहे.

सहा महिन्यांकरता परवानगी

त्यानुसार राज्य शासनाने आता मुंबई, ठाणे व पुणे जिल्ह्यांतील रास्तभाव दुकानांमधून भाजीपाला व फळे विक्रीसाठी प्रायोगिक तत्वावर सहा महिन्यांकरता परवानगी दिली. अन्न व नागरी पुरवठा विभागाने सोमवारी त्याबाबतचा शासन आदेश जारी केला आहे.