विशेष प्रतिनिधी
यवतमाळ : कोरोनाने हजारो संसार उद्ध्वस्त केले. कर्त्या पुरुषाचा मृत्यू झाल्याने अनेक कुटुंब कोलमडून पडली. कोरोना आजाराने चार महिन्यापूर्वी पतीचा मृत्यू झाला. त्यामुळे म्हातारे सासू सासरे, पाच मुलांच्या पालनपोषणाची जबाबदारी एका विधवा महिलेवर आली. अखेर पतीच्या ऑटोलाच तिने उदरनिर्वाहाचे साधन बनविलेThe wido became the Auto driver for His Family
कुटुंबाचा गाडा ओढण्यासाठी ऑटो चालक बनलेल्या विधवा महिलेला शासनाने आर्थिक पाठबळ देण्याची मागणी केली जात आहे.नेर तालुक्यात परजना गावात अशोक जाधव हा तरुण ऑटो व्यवसाय करून कुटुंबाचा उदरनिर्वाह करीत होता. चार महिन्यापूर्वी त्याचे कोरोनाने निधन झाले. त्यामुळे कुटुंबावर दु:खाचा डोंगर कोसळला. विधवा पत्नी अरुणा जाधव यांनी अखेर पतीची रिक्षा चालवून उदरनिर्वाह करण्याचा निर्धार केला.
रशियाने कोरोनाने झालेले मृत्यू लपविले, दरवर्षीच्या सरासरीपेक्षा तब्बल सव्वा चार लाख जादा मृत्यू
परजना गावापासून नेर शहराचे ठिकाण २२ किलोमीटर अंतर आहे. येथून प्रवासी नेण्या-आणण्याचे काम त्या करीत आहे. त्यातून दिवसाला किसेबसे दोनशे रुपये हातात पडतात. आईला हातभार लागावा म्हणून मोठी मुलगी अमृता घरातील कामे आटोपून शेतात मजुरीला जाते.
महिलेला दोन मुली व तीन मुले आहेत. त्यांना पोलिस, सैनिक, अधिकारी, जिल्हाधिकारी व्हायचे आहे. आपल्या मुलांचे शिक्षण पूर्ण करण्यासाठी सरकारने जबाबदारी घ्यावी, अशी आर्त विनवणी अरुणा जाधव यांनी केली.मुलगी अमृता आठवीत, अर्पिता पाचवीत, यश चौथीत ,उत्कर्ष सहाव्या वर्गात तर लहान मुलगा आदर्श अंगणवाडीत शिक्षण घेत आहे.
To be published, comments must be reviewed by the administrator.*
Our website uses cookies to improve your experience. Learn more