परिवहन मंत्री अनिल परबांच्या अडचणीत वाढ, मनी लॉन्ड्रिंगप्रकरणी ईडीने आज चौकशीसाठी बोलावले|The ED today called for an inquiry into the money laundering case of Transport Minister Anil Parbhan

परिवहन मंत्री अनिल परबांच्या अडचणीत वाढ, मनी लॉन्ड्रिंगप्रकरणी ईडीने आज चौकशीसाठी बोलावले

वृत्तसंस्था

मुंबई : परिवहन मंत्री अनिल परब यांना अंमलबजावणी संचालनालयाने चौकशीसाठी बोलावले आहे. ईडीने अनिल परब यांना आज (मंगळवार, 21 जून) हजर राहण्यास सांगितले आहे. एएनआय या वृत्तसंस्थेनुसार अनिल परब यांना मनी लाँड्रिंग प्रकरणी बोलावण्यात आले आहे. अनिल परब यांची रत्नागिरी जिल्ह्यातील दापोली रिसॉर्टशी संबंधित मनी लॉन्ड्रिंग प्रकरणात चौकशी होणार आहे. गेल्या महिन्यात 26 मे रोजी ईडीने अनिल परब आणि त्याच्या साथीदारांशी संबंधित सात ठिकाणांवर छापे टाकले होते. अनिल परब यांच्या घराचीही झडती घेण्यात आली असून परिवहन मंत्र्यांवर गुन्हा दाखल करण्यात आला आहे.The ED today called for an inquiry into the money laundering case of Transport Minister Anil Parbhan

अनिल परबांच्या घोटाळ्याच्या सीबीआय चौकशीसाठी सोमय्यांची मुंबई हायकोर्टात याचिका

ED ने कथित मनी लॉन्ड्रिंग मामले में शिवसेना नेता और महाराष्ट्र के मंत्री अनिल परब को तलब किया है। कल 21 जून को उन्हें एजेंसी के सामने पेश होने के लिए कहा गया है।

(फाइल तस्वीर) pic.twitter.com/xTOg33Hz9W

— ANI_HindiNews (@AHindinews) June 20, 2022

गेल्या महिन्यात ईडीने अनिल परब यांचे दोन जवळचे सहकारी सदानंद कदम आणि संजय कदम यांची मनी लाँड्रिंग प्रकरणात चौकशी केली होती. त्यांचा जबाब नोंदवण्यात आला. भाजप नेते किरीट सोमय्या यांनी हे दोघेही अनिल परब यांचे व्यावसायिक भागीदार असल्याचे सांगितले होते. आता पुन्हा एकदा ईडीने अनिल परब यांना चौकशीसाठी बोलावले आहे.

एएनआयने ट्विट करून दिली माहिती

हे प्रकरण जमीन व्यवहाराशी संबंधित असून, अनेक नियमांचे उल्लंघन करण्यात आल्याचा आरोप आहे. अनिल परब यांच्यावर मुंबईतील केबल ऑपरेटर सदानंद कदम यांना 1.10 कोटींची जमीन विकल्याचा आरोप आहे. यामध्ये अनेक आर्थिक गैरव्यवहार करण्यात आले होते. दापोली परिसरातील या जमिनीवर रिसॉर्ट बांधण्यात आले होते. हे रिसॉर्ट बनवून पर्यावरणाशी संबंधित कायद्यांचे उल्लंघन केल्याचा आरोपही आहे.